Գլխավոր հյուպատոս Աննա Ավետիսյանի աշխատանքային այցը ԱՄՆ Արիզոնա նահանգ

25 մարտի, 2026

ՀՀ գլխավոր հյուպատոսը Արիզոնայի նահանգապետ Քեյթի Հոբսի հրավերով Ֆինիքսում մասնակցել է «International State of the State» խորագրով ամենամյա միջոցառմանը, որին մասնակցում էին նաև Կալիֆորնիայում և Արիզոնայում հավատարմագրված դիվանագիտական կորպուսի անդամներ, գործարար, ակադեմիական, քաղաքական, փորձագիտական շրջանակների ներկայացուցիչներ։

Միջոցառման շրջանակներում Գլխավոր հյուպատոսը մասնակցել է կիսահաղորդիչների արդյունաբերության զարգացման, նորարարությունների խթանման, միջազգային ներդրումների ներգրավման, օդատիեզերական տեխնոլոգիաների գիտահետազոտական ներուժի առաջմղման և այդ ոլորտներում մրցունակության բարձրացման վերաբերյալ պանելային քննարկումներին։ Միջոցառման ընթացքում ՀՀ գլխավոր հյուպատոսը հանդիպել է Արիզոնա նահանգի առևտրային մարմնի ներկայացուցիչների հետ և քննարկել Հայաստանի ու Արիզոնա նահանգի հետ բարձր տեխնոլոգիական ոլորտում համագործակցության հնարավորությունները։

Արիզոնա կատարած աշխատանքային այցի ընթացքում Գլխավոր հյուպատոսը մասնակցել է Արիզոնայի Ներկայացուցիչների պալատի անդամ, Միջազգային առևտրի և հատկացումների հանձնաժողովի նախագահ Թոնի Ռիվերոյի կողմից կազմակերպված հանդիպմանը, որին ներկա են գտնվել նաև Արիզոնայի նահանգային օրենսդիր մարմնի՝ Սենատի և Ներկայացուցիչների պալատի անդամները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր