ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԼՈՍ ԱՆՋԵԼԵՍԻ ՔԱՂԱՔԱՅԻՆ ԽՈՐՀՐԴԻ ԱՆԴԱՄ ՄԻՏՉ Օ՛ՖԱՐԵԼԻ ՀԵՏ

02 հունիսի, 2021

ԳԼԵՆԴԵՅԼ- Հունիսի 2-ին Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հեռավար հանդիպում ունեցավ Լոս Անջելեսի քաղաքային խորհրդի անդամ Միտչ Օ՛Ֆարելի հետ։ Դեսպան Բայբուրդյանը Միտչ Օ՛Ֆարելին երախտագիտություն հայտնեց երկարամյա հայանպաստ գործունեության և, իբրև Փոքր Հայաստանն ընդգրկող 13-րդ ընտրաշրջանի ներկայացուցիչ, հայ համայնքի հետ համագործակցության դաշտում ներդրված շարունակական ջանքերի համար։ Արմեն Բայբուրդյանը երախտագիտություն հայտնեց նաև 44-օրյա պատերազմի օրերին և հետպատերազմյան ժամանակահատվածում Հայաստանի և Արցախի վերաբերյալ Լոս Անջելեսի քաղաքային խորհրդում ընդունված բանաձևերին աջակցելու համար։ Զրուցակիցները քննարկեցին Լոս Անջելես-Երևան քույր-քաղաքների ծրագրի զարգացման և դրա շրջանակում համագործակցությունն ընդլայնելու հեռանկարը, ներառյալ՝ գործարար, գիտության, կրթության, տեխնոլոգիական և մշակութային ոլորտների նախագծերը։ Դրանցից մեկը Հոլիվուդի Փոքր Հայաստան թաղամասում հայր և որդի Աթանյանների «Դարպաս և կարաս» անունով հուշակոթողն է, որի բացումը նախատեսված է աշնանը։

Արմեն Բայբուրդյանը և Միտչ Օ՛Ֆարելը պայմանավորվեցին աշխատանքային քննարկումներին հաղորդել պարբերական բնույթ։

Լոս Անջելեսի քաղաքային խորհրդի կազմում ԱՄՆ դեմոկրատական կուսակցության անդամ Միտչ Օ՛Ֆարելն ընտրվել է 2013 թվականին և ներկայացնում է 13-րդ ընտրաշրջանը, որն ընդգրկում է Լոս Անջելեսի Փոքր Հայաստան հայաշատ թաղամասը։ Նրա առաջարկությամբ 2015 թվականին Փոքր Հայաստանի խաչմերուկներից մեկն անվանակոչվեց Հայոց ցեղասպանության հիշատակի հրապարակ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր