ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԿԱԼԻՖՈՐՆԻԱՅԻ ՆԱՀԱՆԳԱՅԻՆ ԱՍԱՄԲԼԵԱՅԻ ՄԵԾԱՄԱՍՆՈՒԹՅԱՆ ՓՈԽԱՌԱՋՆՈՐԴ ՋԵՍԻ ԳԵԲՐԻԵԼԻ ՀԵՏ

21 մայիսի, 2021

ԳԼԵՆԴԵՅԼ - Մայիսի 21-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը հեռավար հանդիպում ունեցավ Կալիֆորիայի նահանգային ասամբլեայի անդամ, խորհրդարանական մեծամասնության փոխառաջնորդ Ջեսի Գեբրիելի հետ։ Հանդիպման ընթացքում քննարկվեցին Հայաստան-Կալիֆորնիա համագործակցության օրակարգի հարցեր։ Գլխավոր հյուպատոսն իր գնահատանքի խոսքն ասաց Ջեսի Գեբրիելին՝ Կալիֆորնիայի նահանգային խորհրդարանի հայկական օրենդրական խմբի աշխատանքներին ակտիվ մաս կազմելու համար։ Դեսպան Բայբուրդյանը տեղեկացրեց Ասամբլեայի փոխառաջնորդ Գեբրիելին հայ-ադրբեջանական սահմանամերձ շրջաններում Հայաստանի ինքնիշխան տարածքների նկատմամբ Ադրբեջանի ոտնձգությունների և ներթափանցումների մասին։ Նա նաև իր երախտագիտությունը հայտնեց Կալիֆորնիայի խորհրդարանականին՝ իր շարունակական աջակցության համար։

Ջեսի Գեբիելը Կալիֆորնիայի Ասամբլեայի անդամ է 2018 թվականից։ Նա հանդիսանում է Կալիֆորնիայի օրենսդիր մարմնի հրեական խորհրդարանական խմբի ղեկավարը։ Անդամակցում է Ասամբլեայի հինգ հանձնաժողովների և ղեկավարում է Սան Ֆերնանդո հովտի Աշխատանքի և նորարարությունների հատուկ հանձնաժողովը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր