ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԳԼԵՆԴՅԵԼԻ ՆՈՐ ՔԱՂԱՔԱՊԵՏ ՓՈԼԱ ԴԻՎԱՅՆԻ ՀԵՏ

15 ապրիլի, 2021

ԳԼԵՆԴԵՅԼ - Ապրիլի 15-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը այցելեց Գլենդեյլի քաղաքապետարան` շնորհավորելու նորընտիր քաղաքապետ Փոլա Դիվայնին և քննարկելու նրա հետ ՀՀ գլխավոր հյուպատոսության հետ համագործակցության ծրագրերը՝ առաջիկա շրջանին վերաբերող։ Արմեն Բայբուրդյանն իր լավագույն մաղթանքը հղեց Փոլա Դիվայնին՝ ցանկանալով նրան հաջող գործունեություն և ընդգծեց Գլենդեյլի կարևորությունն ոչ միայն կալիֆորնիահայության, այնպես էլ Հայաստանի, Արցախի ու համայն հայության համար։

Զրուցակիցներն անդրադարձան Ադրբեջանի կողմից հայ ռազմագերիների և պատանդի կարգավիճակում գտնվող քաղաքացիական անձանց անհապաղ ազատ արձակման խնդրին և քննարկեցին այդ նպատակին ուղղված գործնական քայլերը։

Դեսպան Բայբուրդյանը և քաղաքապետ Դիվայնը պայմանավորվեցին ՀՀ գլխավոր հյուպատոսության և Գլենդեյլի քաղաքապետարանի միջև համատեղ միջոցառումներ անցկացնելու և համագործակցության նոր ծրագրեր ուրվագծելու վերաբերյալ։

Գլենդեյլի քաղաքապետը զատվում է քաղաքային խորհրդի ընտրված հինգ անդամներից՝ մեկ տարի ժամկետով։ Այդ պաշտոնը Փոլա Դիվայնն ստանձնել է երկրորդ անգամ։ Առաջին անգամ նա քաղաքն առաջնորդել է 2016-2017թթ․։ Գլենդեյլի քաղաքային խորհրդի անդամի պաշտոնում ընտրվել է 2015 թվականին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր