ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ՎԱՇԻՆԳՏՈՆ ՆԱՀԱՆԳԻ ՆԵՐԿԱՅԱՑՈՒՑԻՉՆԵՐԻ ՊԱԼԱՏԻ ԽՈՍՆԱԿ ԼՈՐԻ ՋԻՆԿԻՆՍԻ ՀԵՏ

31 մարտի, 2021

ԳԼԵՆԴԵՅԼ – Մարտի 30-ին Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հեռավար հանդիպում ունեցավ Վաշինգտոն նահանգի Ներկայացուցիչների պալատի խոսնակ Լորի Ջինկինսի հետ։ Հանդիպմանը մասնակցում էր նաև խոսնակի աշխատակազմի ղեկավար Ալեքս Մըքբեյնը։

Դեսպան Բայբուրդյանը Լորի Ջինկինսին նեկայացրեց Հայաստանն որպես երկիր՝ սևեռվելով պատմական ընդհանուր նկարագրի, քաղաքական պատկերի և տնտեսական միջավայրի վրա։ Հատուկ անդրադարձ եղավ հայկական սփյուռքին՝ իբրև հայ ազգի անքակտելի մաս։ Հաշվի առնելով, որ Վաշինգտոն նահանգն աչքի է ընկնում բարձր տեխնոլոգիաների ոլորտի զգալի առաջընթացով, դեսպան Բայբուրդյանը Լորի Ջինկինսին ներկայացրեց Հայաստանի մեծ ներուժը բարձր և տեղեկատվական տեխնոլոգիաների ոլորտներում և այդ ուղղությամբ համագործակցություն ծավալելու՝ Հայաստանի շահագրգռվածությունը։ Զրուցակիցներն անդրադարձան նաև քիմիական արդյունաբերության, մետաղագործության, հաստոցաշինության և գյուղատնտեսության ոլորտներում գործակցելու հեռանկարներին։ Արմեն Բայբուրդյանը շեշտեց որ Հայաստանի համար չափազանց կարևոր է վերոնշյալ ոլորտներում օրենդրական կարգավորման՝ Վաշինգտոն նահանգի հաջողված փորձը։ Ներկայացուցիչների պալատի խոսնակը պատրաստակամություն հայտնեց համագործակցության ծրագրերը գործնական հարթություն տեղափոխելու գործում։

Հանդիպման մասնակիցները պայմանավորվեցին համագործակցութան թեման շարունակել ՀՀ գլխավոր հյուպատոսի` Վաշինգտոն հնարավոր այցի ընթացքում, որը կկայանա ելնելով համավարակի իրավիճակից։

Ներկայացուցիչների պալատի խոսնակ Լորի Ջինկինսը ԱՄՆ դեմոկրատական կուսակության անդամ է։ Պաշտոնում ընտրվել է 2020 թվականին։ Նա Վաշինգտոնի Ներկայացուցիչների պալատի առաջին կին նախագահն է։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր