ԳԻՐՔԸ

22 փետրվարի, 2021

Փետրվարի 21-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը մասնակցեց «Գիրքը» ֆիլմին նվիրված միջացառմանը: Ֆիլմի գաղափարը մտահղացել և առաջիկայում կիրականացնեն հայտնի ռեժիսոր Ալեքսանդր Աթանեսյանը և պրոդյուսեր Արմեն Համբարձումյանը։ Սցենարի հիմքում 1915 թվականին Մշո Առաքելոց վանքից երկու տարեց կանանց շնորհիվ «Մշո Ճառընտիր» մատյանի փրկության պատմությունն է։ ՀՀ գլխավոր հյուպատոս, դեսպան Բայբուրդյանն ողջունեց «Գիրքը» ֆիլմի ստեղծման գաղափարը։ Նա նշեց, որ ֆիլմը ևս մեկ հնարավորություն է մեր մշակույթն աշխարհին ներկայացնելու համար, որպեսզի մեզ ճանաչեն ոչ միայն որպես մի ժողովուրդ՝ ողբերգական պատմությամբ, այլև կերտող և ստեղծագործող ժողովուրդ, որի մշակույթը հազարամյակների պատմություն ունի:

Իր ելույթում Ա․ Բայբուրդյանն ասաց․ «Շատերը կարող են հարց տալ՝ արդյոք ժամանակն է, որ ցեղասպանության մասին հետպատերազմյան ժամանակաշրջանում ֆիլմ նկարահանվի։ Իմ պատասխանն է՝ այո անհրաժեշտ է, որովհետև ցեղասպանության հարցը նաև այս ֆիլմի միջոցով լիցք է հաղորդում մեր ինքնությանն ու կոչված է միասնականություն բերել մեր ժողովրդին»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր