ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԲԱՅԲՈՒՐԴՅԱՆԸ ՀԱՆԴԻՊԵՑ ՌԱԿ ԿԵՆՏՐՈՆԱԿԱՆ և ՇՐՋԱՆԱՅԻՆ ՎԱՐՉՈՒԹՅՈՒՆՆԵՐԻ ՆԵՐԿԱՅԱՑՈՒՑԻՉՆԵՐԻ ՀԵՏ

01 դեկտեմբերի, 2020

ԳԼԵՆԴԵՅԼ- Նոյեմբերի 24-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը հանդիպեց ՌԱԿ Կենտրոնական և Շրջանային վարչությունների ներկայացուցիչների հետ՝ նրանց նախաձեռնությամբ։ ՌԱԿ Արևմտյան Ամերիկայի Շրջանային վարչության ատենապետ դոկտ․ Րաֆֆի Բալյանի գլխավորությամբ ՌԱԿ ներկայացուցիչների հետ հանդիպումը կայացավ ՀՀ գլխավոր հյուպատոսությունում։ Հանդիպման ընթացքում դեսպան Բայբուրդյանը ներկայացրեց Ադրբեջանի կողմից հրահրված պատերազմից հետո Հայաստանում առկա իրավիճակի, պատերազմով և համավարակով պայմանավորված տնտեսական իրողությունների մանրամասներ։ ՌԱԿ անդամները ներկայացրին իրենց դիրքորոշումները՝ կապված վերոնշյալ հարցերի հետ։ Նրանք նշեցին, որ խորապես հասկանում են մեր ժողովրդին բաժին ընկած ցավը և շեշտեցին այսօր առավել, քան երբևէ միասնական լինելու կարևորությունը։ Դեսպան Բայբուրդյանը գնահատանքի խոսք ասաց ՌԱԿ անդամների գործունեության առնչությամբ։

Հանդիպման ավարտին ՌԱԿ պատվիրակության անդամները ծաղիկներ խոնահեցին և մոմեր վառեցին ՀՀ գլխավոր հյուպատոսության շենքի առջև տեղակայված՝ զոհված հերոսների նկարների առջև՝ հարգանքի տուրք մատուցելով հազարավոր հայ զինվորների հիշատակին։

Ձախից աջ՝ ՌԱԿ Կենտրոնական վարչության անդամներ Արա Ահարոնյան, Փանիկ Քեշիշյան, դեսպան Արմեն Բայբուրդյան, Արևմտյան Ամերիկայի Շրջանային վարչության ատենապետ Րաֆֆի Բալյան, Շրջանային վարչության անդամներ Խաչիկ Ջանոյան և Կարո Կուպելյան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր