Հանդիպում Արտերկրում ֆրանսիացիների միության ղեկավարի հետ

11 հունվարի, 2019

Հունվարի 10-ին ՀՀ գլխավոր հյուպատոս Արմեն Բայբուրդյանը հանդիպեց Արտերկրում ֆրանսիացիների միության (Union des Français de l’étranger) Կալիֆորնիայի մասնաճյուղի նախագահ Սինտիա Հաճար-Քազանջյանի հետ: Հանդիպման ընթացքում քննարկվեցին ՀՀ գլխավոր հյուպատոսության և Արտասահմանում ֆրանսիացիների միության միջև գործակցության հաստատման և զարգացման հարցեր: Երկուստեք կարևորվեց Կալիֆորնիայի ֆրանսախոս համայնքների շրջանում հայության դերը և հայ համայնքի հետ սերտ կապերի հաստատումը, համատեղ ծրագրերի իրականացումը: Փետրվարի 20-ին Արտերկրւմ ֆրանսիացիների միությունը Լոս Անջելեսում Ֆրանսիայի, Լիբանանի, Բելգիայի և Հայաստանի գլխավոր հյուպատոսությունների հովանու ներքո կազմակերպելու է համերգ՝ հայտնի հայազգի երաժիշտների մասնակցությամբ: Հայաստանում բացառիկ հաջողությամբ տեղի ունեցած Ֆրանկոֆոնիայի գագաթնաժողովից հետո սա ֆրանսախոս համայնքի հետ գործակության նշանակալից քայլերից մեկը կլինի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր