Հայ-ամերիկյան թանգարան՝ Գլենդեյլում

14 դեկտեմբերի, 2018

Դեկտեմբերի 9-ին ՀՀ գլխավոր հյուպատոս Արմեն Բայբուրդյանը տիկնոջ՝ Իվետ Բայբուրդյանի հետ մասնակցեց Հայ-ամերիկյան թանգարանի նախագծին նվիրված գալա-ճաշկերույթին, որը տեղի ունեցավ Հոլիվուդի հայտնի Ray Dolby սրահում: Երեկոյին ներկա էին հազարից ավելի մասնակիցներ՝ հայ համայնքի ներկայացուցիչներ, բարերարներ, նահանգային ու քաղաքային պաշտոնյաներ: Կալիֆորնիայի նահանգային սենատի նախագահ Թոնի Ատկինսը ողջունեց ներկաներին և ընդգծեց յուրահատուկ կապի առկայությունը ամերիկահայ համայնքի և Կալիֆորնիա նահանգի միջև: Լոս Անջելեսի մարզի կառավարիչների խորհրդի նախագահ Քրիստին Բարգերը Հայ-ամերիկյան թանագարանի կառուցման նախագծին նվիրաբերեց մեկ մլն դոլար՝ Լոս Անջելեսի մարզի անունից: Հայ-ամերիկյան թանգարանի նախագծի համաձայն, կկառուցվի ոչ միայն հայկական, այլև համաշխարհային մշակույթը ներկայացնող կենտրոն, որը կներառի շրջիկ և մշտական ցուցահանդեսներ, արվեստի կենտրոն, թանգարանային արխիվ, ուսումնական կենտրոն և այլ բաժիններ: Հայ-ամերիկյան թանգարանի նպատակն է՝ ներկայացնել ամերիկահայ համայնքնի մեծ ներդրումը ԱՄՆ մշակութային, կրթական ու հանրային կյանքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր