“Ներկայի և ապագայի հենասյուները”

17 հոկտեմբերի, 2018

Հոկտեմբերի 7-ին Լոս Անջելեսում տեղի ունեցավ Հայաստանի ամերիկյան համալսարանի նախագահ, դոկտ. Արմեն Կյուրեղյանի հրավիրած հավաքույթը՝ հյուրընկալված Երվանդ Դեմիճյանի առանձնատանը: Միջոցառումը կրում էր՝ “Ներկայի և ապագայի հենասյուները” խորագիրը: Ելույթի խոսքով հանդես եկավ Լոս Անջելեսում ՀՀ գլխավոր հյուպատոս Արմեն Բայբուրդյանը: Նա ընդգծեց, որ Հայաստանի անկախության առաջին իսկ օրվանից ՀՀ ղեկավարությունը կարևորել է “Կալիֆորնիայի համալսարանական համակարգին” փոխկապված ամերիկյան կրթական հաստատության հիմնադրումը Հայաստանում: Դոկտ.Բայբուրդյանն ընդգծեց, որ Հայաստանում ամերիկյան համալսարանի այսօրվա ձեռքբերումների ակունքներում մի քանի գործոններ են, ինչպես՝ Հայաստանի կառավարության աջակցությունը համալսարանի բացման նախաձեռնությանն ու հիմնական մասնաշենքի նվիրաբերումը Հայաստանի ամերիկյան համալսարանին: Մյուս գործոնների շարքում են ԱՄՆ կոնգրեսի աջակցությունը համալսարանին՝ գրեթե 9.6 մլն դոլարի չափով, ՀԲԸՄ գործուն մասնակցությունն ու նվիրյալ անհատների աջակցությունը: Միջոցառմանը ներկա էր նաև դիվանագիտական առաքելության ավարտից առաջ Լոս Անջելեսում գտնվող՝ ԱՄՆ-ում ՀՀ դեսպան Գրիգոր Հովհաննիսյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր