Կանանց միջազգային տոնը

08 մարտի, 2018

Լոս Անջելեսում ՀՀ գլխավոր հյուպատոսության և Հայ կանանց միջազգային ասոցիացիայի /AIWA/ համատեղ նախաձեռնությամբ ՀՀ գլխավոր հյուպատոսությունում տեղի ունեցավ Կանանց միջազգային տոնին նվիրված միջոցառում: Տոնական հավաքին հրավիրված էին համայնքի հասարակական, բարեգործական և մշակութային կառույցներում ներգրավված և ակտիվ գործունեությամբ աչքի ընկած ավելի քան 100 հայ կանայք:
Միջոցառումը բացեց և հավաքվածներին շնորհավորեց Հայ կանանց միջազգային ասոցիացիայի նախագահ Նիկոլ Նշանյանը՝ մաղթելով նրանք հաջողություն և երջանկություն: Կանանց իրավունքների և նրանց գործունեության կարևորության մասին խոսեց նաև AIWA-ի Լոս Անջելեսի մասնաճյուղի նախագահ Սիլվա Խաչիկյանը:
Հյուպատոս Արմելլա Շաքարյանը իր խոսքում ընդգծեց կանանց դերը մերօյա իրականության մեջ և պատասխանատվությունը, որը կանայք հավասարապես կիսում են տղամարդկանց հետ՝ տեղական նշանակության, թե համաշխարհային խնդիրներ լուծելու գործում:
Հյուպատոսը նշեց, որ Հայաստանում նույնպես կանանց դերը մեծացել է գործարարության, լրագրության, բարձր տեխնոլոգիաների, իրավական և այլ ոլորտներում՝ ներառյալ ՀՀ Զինված Ուժերը: “Ես կասկած չունեմ, որ կանայք կշարունակեն հաջողությունների հասնել և առավել մեծ ձեռքբերումներ ունենալ նաև քաղաքական կյանքում: Հայաստանի կանանց անունից երախտագիտություն եմ հայտնում ձեզ շարունակական աջակցության համար: Ձեր նվիրումը մեր հայրենիքին իրապես նշանակալից է:”, նշեց Ա.Շաքարյանը:
ՀՀ գլխավոր հյուպատոսության, Լոս Անջելեսի մարզի կառավարիչների խորհրդի և Կալիֆորնիայի նահանգային սենատոր Էնթոնի Փորթանթինոյի գրասենյակի կողմից շնորհավորական պատվոգրեր ստացան Լոս Անջելեսի տեղական կառավարման մարմիններում ղեկավար պաշտոն զբաղեցնող և իրենց գործունեությամբ աչքի ընկած հայ կանայք:
Միջոցառման ընթացքում ելույթ ունեցան երգիչներ Նարեկ Մակարյանը, Միստր X-ը և Grand Stage պարային համույթը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր