Գրքի նվիրատվություն ԼՍԿԳ-ի համար

10 հունվարի, 2018

Լոս Անջելեսում ՀՀ գլխավոր հյուպատոսության նախաձեռնությամբ ամերիկահայ համայնքը նախաձեռնել է գրքի նվիրատվության արշավ, որի նպատակն է հարստացնել ԼԱ-ի կենտրոնական գրադարանի և 72 մասնաճյուղերի հայկական բաժինների հավաքածուն: Հյուպատոսությանը կից Համայնքային հանձնախմբի ջանքերով կայացել է առաջին միջոցառումը, որի ընթացքում ամերիկահայ համայնքի անհատներ և տարբեր հաստատություններ նվիրաբերել են 18 արկղ գիրք:

-Այս նախաձեռնության հիմնական նպատակն է ԼԱ կենտրոնական գրադարանը հարստացնել հայերի և Հայաստանի մասին գրքերով: Այսօր նվիրաբերված գրքերը ընդգրկում են պատմության, փիլիսոփաության, գիտության, մշակույթի, կրթության ոլորտները, ներկայացնում են հայոց լեզուն և ժամանակակից Հայաստանը: Եվ վստահ եմ, որ այս նախաձեռնությունը կխթանի Հայաստանի և Կալիֆորնիայի միջև գործակցությունը և փոխընբռնումը նոր մակարդակի կհասցնի,- իր ելույթում նշել է հյուպատոս Արմելլա Շաքարյանը:

- Համաշխարհային մակարդակի հանրային գրադարանների մեր համակարգը՝ ԼԱ կենտոնական գրադարանով և 72 մասնաճյուղերով, հնարավոր չէ պատկերացնել առանց հայկական բաժնի գրքերի, ֆիլմերի, այլ նյութերի, որոնք ներկայացնում են մեր համայնքում նշանաալից դեր ունեցող հայ համայնքը,- գրքի նվիրատվության նախաձեռնությունը ողջունել է ԼԱ կենտրոնական գրադարանի տնօրեն Ջոն Զաբոն:

Համայնքային հանձնախմբի անդամ Քրիստին Ջերյանը հայտնել է, որ Լոս Անջելեսի հանրային գրադարանների համակարգը հայկական գրականությամբ հարսնացնելու ծրագիրը կշարունակվի ամբողջ տարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր