Հեռուստակամուրջ՝ ՀՀ սփյուռքի նախարարության և ԱՄՆ հայ համայնքի միջև

01 մայիսի, 2017

Լոս Անջելեսում ՀՀ գլխավոր հյուպատոսությունում կայացավ հեռուստակամուրջ ՀՀ Սփյուռքի նախարարության և Լոս Անջելեսի հայ համայնքի միջև: Ավանդական հեռուստակամուրջին մասնակցեցին ՀՀ սփյուռքի նախարար Հրանուշ Հակոբյանը, փոխնախարար Վահագն Մելիքյանը, նախարարության այլ պաշտոնյաներ: Լոս Անջելեսի հայ համայնքը ներկայացնում էին Մարիամյան – Դավիդյան, Հայ Օգնության Միության ներքո գործող, Համազգային, Ալեք Փիլիպոս կրթական հաստատությունների, Գլենդեյլի դպրոցների միացյալ մարմնի, “Հեքիաթն է կանչում”, Հայ-ամերիկյան թատերա-երաժշտական միության և այլ կրթական կառույցների ներկայացուցիչներ:
Հեռուստակամուրջի նպատակն էր՝ քննարկել ՀՀ սփյուռքի նախարարության ծրագրերը և դրանց իրականացման հետ կապված հարցեր:
Հեռուստակամուրջի մասնակիցները խոսեցին “Արի տուն” հայրենաճանաչության ծրագրի, “Սփյուռք” ամառային դպրոցի, “Երգում ենք Կոմիտաս” համահակական փառատոնի, “Դու ինչ ես անում Արցախի համար” ծրագրի, Հայաստան-Սփյուռք 6-րդ համաժողովի և Հայ Առևտրային ցանցի 5-րդ ընդհանուր ժողովի մասին:
Լոս Անջելեսի հայ համայնքի կրթական ոլորտի ներկայացուցիչները հնարավորություն ունեցան հարցեր ուղղել ՀՀ սփյուռքի նախարարությանը իրենց հուզող խնդիրների մասին և սփյուռքի նախարարի հետ քննարկել շատ խնդիրների լուծման ճանապարհները:
Կողմերը պայմանավորվեցին շարունակել պարբերական օնլայն հանդիպումների ավանդույթը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր