Մեքսիկայի գլխավոր հյուպատոսի հանդիպումը հայ գործարարների հետ

06 ապրիլի, 2017

Լոս Անջելսում ՀՀ գլխավոր հյուպատոսության նախաձեռնությամբ, Մեքսիկայի գլխավոր հյուլատոս Կառլոս Իուջինիո դե Ալբա Զեպեդան հանդիպեց ամերիկահայ մոտ երկու տասնյակ գործարարների հետ: Նա ներկայացրեց հայ-մեքսիկական գործարար հետաքրքրության ուղղությունները և այն ոլորտները, որոնք հեռանկարային են փոխշահավետ բիզնես-նախագծերի իրականացման համար:
Կառլոս Իուջինիո դե Ալբա Զեպեդան հայ գործարարներին ներկայացրեց աշխարհում մեծությամբ 14րդ տնտեսությունն ունեցող Մեքսիկայի առաջատար ուղղությունները, որոնցում իրականացվելիք գործարար-ծրագրերով հնարավոր կլինի կամրջել հայկական և մեքսիկական համայնքներն ու գործարար կապեր ստեղծել նաև երկու պետությունների միջև:
-Շատ հաճելի է տեսնել այսքան հայ բիզնեսմենների, որոնք հասկանում և կարևորում են գործակցության հնարավորությունները: Հուսով եմ՝ նրանցից ոմանք կանեն առաջին քայլերը: Չէ որ այս հանդիպումների նպատակն էլ հենց դա է: Ամեն անգամ մի փոքր ավելին իմանալ բիզնես պոտենցիալի ու ներդրումային հնարավորությունների մասին,-իր խոսքում նշեց Մեքսիկայի գլխավոր հյուպատոսը:
Քննարկմանը մասնակցում էր նաև Հայ-ամերիկյան գործարար-խորհրդի նախագահ Ալեք Բաղդասարյանը, որը շեշտեց հայ - մեքսիկական գործարար կապերի միջոցով երկու երկրների միջև հարաբերությունն աշխուժացնելու կարևորությունը:
Հանդիպման ավարտին պայմանավորվածություն ձեռք բերվեց հաջորդ քննարկումը չուշացնել՝ գործարար հետաքրքրությունները գործնական դաշտ տեղափոխելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր