ՀՀ Անկախության 25-րդ տարեդարձին նվիրված տոնական համերգ Լոս Անջելեսում

05 հոկտեմբերի, 2016

Լոս Անջելեսում շարունակվում են Հայաստանի Անկախության 25-րդ տարեդաձին նվիրված միջոցառումները: ՀՀ գլխավոր հյուպատոսության և Լոս Անջելեսի Իրանահայերի միության համատեղ ջանքերով միջոցառումների շարքը շարունակվեց տոնական համերգով, որին մասնակցեց աշխարհահռչակ ջութակահար Սերգեյ Խաչատրյանը: Փասադինա քաղաքի Ամբասադոր սրահում, տաղանդավոր ջութակահարը և Բելֆրի սիմֆոնիկ նվագախումը՝ դիրիժոր Միքայել Ավետիսյանի ղեկավարությամբ, ներկայացրին Արամ Խաչատրյանի հայտնի ստեղծագործությունները՝ բալետային սյուիտները և ջութակի կոնցերտը: Դահլիճը մեծ ոգևորությամբ արձագանքեց համերգին, որից հետո հնարավորություն ունեցավ շփվել երաժիշտների հետ, հիացմունքն արտահայտել ու լուսանկարվել անվանի ջութակահարի հետ:

ՀՀ անկախության 25 ամյակին նվիրված տոնական համերգին ներկա էին ԱՄՆ-ում ՀՀ դեսպան Գ. Հովհաննիսյանը, ՀՀ գլխավոր հյուպատոսության ներկայացուցիչներ, Գլենդեյլի քաղաքային խորհրդի անդամներ, արվեստագետներ, համայնքային կառույցների անդամներ և բազմաթիվ երաժշտասերներ:

-Խորհրդանշական էր Լոս Անջելեսում ՀՀ անկախության 25-ամյակի առիթով տոնական համերգը, որում հնչեցին Արամ Խաչատրյանի ստեղծագործությունները՝ Սերգեյ Խաչատրյանի կատարմամբ: Դա ևս մեկ ապացույց էր, որ մեր ժողովրդի ներդրումը մեծ է եղել և շարունակում է նշանակալից լինել համաշխարհային արվեստի ասպարեզում: Սա նաև ևս մեկ ապացույց էր, որ Հայրենք - Սփյուռք կապերը, որ զորացել են անցած 25 տարիների ընթացքում, շարունակում են ամրապնդվել նաև մշակույթի միջոցով,-համերգից հետո ասաց Լոս Անջելեսում ՀՀ գլխավոր հյուպատոսի տեղակալ Վ. Մկրտումյանը:

Նա նշեց, որ ՀՀ անկախության 25-ամյակին նվիրված միջոցառումները Լոս Անջելեսում կշարունակվեն նաև հոկտեմբերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր