Հայաստանի և Գլենդելի միջև ձևավորված երկարամյա բարեկամությանն ու համագործակցությանը նվիրված ընդունելություն

30 հուլիսի, 2026

Լոս Անջելեսում ՀՀ գլխավոր հյուպատոսությունում կազմակերպվել է ընդունելություն Գլենդելի քաղաքային իշխանությունների, ոստիկանության և հրշեջ ծառայության ներկայացուցիչների մասնակցությամբ՝ նշելու Գլենդել քաղաքի հետ տարիների ընթացքում ձևավորված ամուր գործընկերային հարաբերությունները և արդյունավետ համագործակցությունը։

Միջոցառմանը մասնակցել է նաև ԱՄՆ-ում ՀՀ դեսպան Նարեկ Մկրտչյանը։ Գլխավոր հյուպատոսն իր խոսքում բարձր է գնահատել Գլենդելի քաղաքային իշխանությունների հետևողական ջանքերն ու առաջնորդությունը՝ քաղաքի բարեկարգման, անվտանգության ապահովման և կայուն զարգացման գործում։

Կարևորել է Հայաստանի և Գլենդելի միջև ձևավորված սերտ ու շարունակական համագործակցությունը՝ առանձնահատուկ ընդգծելով Կապան–Գլենդել և Գյումրի–Գլենդել քույր քաղաքներ ձևաչափով փոխգործակցությունը։

Անդրադառնալով Գլենդելում հայկական համայնքի նշանակալի դերակատարությանը՝ Գլխավոր հյուպատոսը նշել է, որ այն կարևոր կամուրջ է Հայաստանի և Գլենդելի միջև, որը նպաստում է երկկողմ տնտեսական և մշակութային կապերի ամրապնդմանը։

Ա․Ավետիսյանը վերահաստատել է համագործակցության ոլորտների հետագա ընդլայնման, ինչպես նաև նոր համատեղ նախաձեռնությունների իրականացման պատրաստակամությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր