Գլխավոր հյուպատոս Աննա Ավետիսյանի աշխատանքային այցը ԱՄՆ Կոլորադո նահանգ

27 հունիսի, 2026

Գլխավոր հյուպատոս Աննա Ավետիսյանը այցելել է Կոլորադոյի Դենվեր քաղաք։ Այցի ընթացքում Գլխավոր հյուպատոսին ուղեկցել են Կոլորադոյում ՀՀ պատվավոր հյուպատոս Տիգրան Մուրադյանը և Ֆրեզնոյում ՀՀ պատվավոր հյուպատոս Պերճ Աբգարյանը։

Աշխատանքային այցի շրջանակներում Գլխավոր հյուպատոսը հանդիպումներ է ունեցել Դենվերի Համաշխարհային Առևտրի կենտրոնի Կապերի ընդլայնման հարցերով տնօրեն Քերըն Մուրի, GlobanMindEd-ի հիմնադիր և գործադիր տնօրեն Քերըլ Քարտերի, Դենվերի տնտեսական զարգացման և հնարավորությունների գործակալության գլոբալ ներգրավվածության հարցերով տնօրեն Ստեֆանի Գարնիքայի, Տնտեսական զարգացման և միջազգային առևտրի գրասենյակի գլոբալ բիզնեսի զարգացման տնօրեն Միշել Հադվիգերի և նույն գրասենյակի դիվանագիտության հարցերով ավագ համակարգող Քրիստիան Թոմասի և նշված կազմակերպությունների այլ ներկայացուցիչների հետ։ Հանդիպումների ընթացքում քննարկվել են Կոլորադո նահանգի հետ տնտեսական, կրթական և մշակութային ոլորտներում համագործակցության հնարավորությունները։

Ավրորա քաղաքում Գլխավոր հյուպատոսը հանդիպել է քաղաքապետ Մայք Քոֆմանին։ Կողմերն անդրադարձել են տեղի հայ համայնքի գործունեությանը, ինչպես նաև քննարկել ապակենտրոնացված համագործակցության հետ կապված հարցեր։ Ավրորայի քաղաքապետը ՀՀ գլխավոր հյուպատոսին է հանձնել Ավրորա քաղաքի բանալին՝ ի նշան Հայաստանի և Ավրորայի միջև բարեկամության

Գլխավոր հյուպատոսը հանդիպել է Կոլորադոյի հայ համայնքի կին առաջնորդներին։ Հանդիպման ընթացքում քննարկվել են երիտասարդ սերնդի կրթությանն առնչվող հարցեր՝ դրանում ընդգծելով կանանց ակտիվ ներգրավվածության կարևորությունը։

Ա.Ավետիսյանը Հայ Առաքելական եկեղեցու ԱՄՆ արևմտյան թեմի առաջնորդ Տ․ Հովնան արքեպիսկոպոս Տերտերյանի հրավերով մասնակցել է Դենվերի Հայ Առաքելական նոր եկեղեցու օծման և անվանակոչման արարողությանը։ Իր խոսքում Գլխավոր հյուպատոսը շնորհավորել է համայնքին պատմական իրադարձության առթիվ՝ ընդգծելով եկեղեցու կարևոր դերը համայնքի համախմբման, ազգային արժեքների փոխանցման և հայրենիքի հետ կապերի ամրապնդման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր