Գլխավոր հյուպատոս Աննա Ավետիսյանը մասնակցել է Գլենդելի և քույր քաղաքների միջև համագործակցությանը նվիրված միջոցառմանը

10 մարտի, 2026

Գլխավոր հյուպատոս Աննա Ավետիսյանը մասնակցել է Գլենդելի քաղաքային խորհրդի կողմից կազմակերպված միջոցառմանը՝ նվիրված Գլենդելի և իր քույր քաղաքների միջև համագործակցությանը: Միջոցառմանը մասնակցում էին Հայաստանի, Դոմինիկանայի Հանրապետության, Ճապոնիայի, Կորեայի Հանրապետության, Մեքսիկայի և Ֆիլիպինների գլխավոր հյուպատոսները և ներկայացուցիչները։

Գլխավոր հյուպատոսն իր խոսքում կարևորել է Կապան-Գլենդել, Գյումրի-Գլենդել քույր քաղաքներ ձևաչափով, ինչպես նաև Երևանի Կենտրոն վարչական շրջանի հետ բարեկամության քաղաք ձևաչափով համագործակցությունը՝ նշելով, որ կշարունակի ջանքեր գործադրել այդ համագործակցությունն էլ ավելի խորացնելու ուղղությամբ։

Նույն օրը Գլենդելի քաղաքային խորհդի հերթական նիստի ընթացքում Գլենդելի քաղաքապետ Արա Նաջարյանը Գլխավոր հյուպատոսներին է հանձնել խրախուսական պատվոգրեր՝ գործադրված ջանքերի և ձևավորված համագործակցությունը խորացնելու հանձնառության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր