Գլխավոր հյուպատոս Աննա Ավետիսյանը մասնակցել է Հայաստան-Ճապոնիա բարեկամությանը նվիրված միջոցառմանը

12 փետրվարի, 2026

Փետրվարի 12-ին Լոս Անջելեսում ՀՀ գլխավոր հյուպատոս Աննա Ավետիսյանը Հայ առաքելական եկեղեցու ԱՄՆ Արևմտյան թեմի Առաջնորդարանում մասնակցել է հայ և ճապոնական համայնքների բարեկամությանը նվիրված միջոցառմանը, որին ներկա են գտնվել Լոս Անջելեսում Հայաստանի և Ճապոնիայի գլխավոր հյուպատոսությունների դիվանագիտական անձնակազմի, Գլենդել և Բըրբանք քաղաքների քաղաքային խորհուրդների, Առաջնորդարանի թեմական խորհրդի, հայ և ճապոնական համայնքների ներկայացուցիչներ։

Գլխավոր հյուպատոսն իր խոսքում կարևորել է հայ և ճապոնական համայնքների բարեկամությանը նվիրված նման միջոցառումների անցկացումը, երկու համայնքերի միջև փոխգործակցությունը, որն արտացոլում է մարդասիրական արժեքների վրա հիմնված երկու պետությունների և ժողովուրդների միջև առկա բարեկամական հարաբերությունները։ Ընդգծել է, որ Հայաստանի և Ճապոնիայի միջև հարաբերությունները շարունակական զարգացում են ապրում՝ հիմնված փոխադարձ հարգանքի և վստահության վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր