Գլխավոր հյուպատոսը հանդիպում ունեցավ Լոս Անջելեսի փոխքաղաքապետ Դիլփրիթ Սիդհուի հետ։

26 նոյեմբերի, 2025

Ս․թ․ նոյեմբերի 26-ին Լոս Անջելեսում ՀՀ գլխավոր հյուպատոս Կարեն Իսրայելյանը հանդիպում է ունեցել Լոս Անջելեսի՝ արտաքին հարաբերությունների հարցերով փոխքաղաքապետ Դիլփրիթ Սիդհուի հետ։

Կողմերն անդրադարձել են նախորդ տարի Երևանի քաղաքապետի՝ Լոս Անջելես կատարած այցի ընթացքում ստորագրված Փոխըմբռնման հուշագրին՝ միտված նորագույն տեխնոլոգիաների միջոցով բարձրագույն ծառայություններ մատուցելուն և «խելացի լուծումներին»։ Երկուստեք կարևորել են մասնավորապես տրասնպորտի կառավարման ոլորտում փոխգործակցությունը Լոս Անջելեսի լավագույն փորձի ուսումնասիրման և կիրարկման համատեքստում։ Քննարկվել են Երևան-Լոս Անջելես քույր քաղաքների միջև համագործակցության խորացման հնարավորությունները, ինչպես նաև՝ Երևան-Լոս Անջելես ուղիղ չվերթների գործարկման անհրաժեշտությունը։ Կարևորվել է «Enterprise Armenia»-ի հետ հնարավոր համագործակցությունը Լոս Անջելեսի Առևտրի հարցերով պալատի հետ։ Անդրադարձ է եղել նաև 2028թ․ Լոս Անջելեսում կայանալիք օլիմպիական խաղերին Հայաստանի մասնակցության հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր