Գլխավոր հյուպատոս Կարեն Իսրայելյանի հանդիպումը Լոս Անջելեսի քաղաքային խորհրդի անդամ Ադրին Նազարյանի հետ

22 հոկտեմբերի, 2025

Ս․թ․ հոկտեմբերի 22-ին Լոս Անջելեսում ՀՀ գլխավոր հյուպատոս Կարեն Իսրայելյանը հանդիպել է Լոս Անջելեսի քաղաքային խորհրդի անդամ Ադրին Նազարյանի հետ։ Գլխավոր հյուպատոսը կրկին շնորհավորել է Լոս Անջելեսի քաղաքային խորհրդի ընտրություններում տարած հաղթանակի կապակցությամբ: Ջերմ և անկաշկանդ զրույցի ընթացքում կողմերը երկուստեք կարևորել են Երևան-Լոս Անջելես քույր քաղաքների միջև համագործակցության հետագա զարգացման հնարավորությունները և առկա ձևաչափերին նոր թափ հաղորդելու անհրաժեշտությունը։ Կ. Իսրայելյանը զրուցակցին ներկայացրել է նաև 2025 թ․ օգոստոսի 8-ին Վաշինգտոնում ձեռք բերված պայմանավորվածությունները, մասնավորապես՝ “TRIPP ուղի” հաղորդակցությունների ծրագրի մանրամասները՝ կարևորելով ԱՄՆ կառավարության դրական ներգրավվածությունը տարածաշրջանում խաղաղության հաստատման գործընթացում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր