"Մենք սիրում ենք ձեզ/քեզ" (WeLoveU) հիմնադրամի կազմակերպած արյան դոնորության միջոցառում Փասադենայում։

14 սեպտեմբերի, 2025

2025թ․ օգոստոսի 14-ին Լոս Անջելեսում ՀՀ գլխավոր հյուպատոս Կարեն Իսրայելյանը և գլխավոր հյուպատոսության դիվանագետները Կալիֆորնիայի Փասադենա քաղաքում մասնակցեցին «Մենք սիրում ենք ձեզ/քեզ» (WeLoveU foundation) միջազգային ոչ կառավարական կազմակերպության կողմից՝ Ամերիկյան Կարմիր խաչի գրասենյակի հետ համագործակցաբար կազմակերպված արյան դոնորության արշավին։ «Մենք սիրում ենք ձեզ/քեզ» (WeLoveU foundation) հասարակական կազմակերպությունը 2000 թվականից ի վեր աշխարհի 70-ից ավելի երկրներում իրականացնում է տարբեր մարդասիրական նախաձեռնություններ և ծրագրեր մի քանի առանցքային ուղղություններով՝ կրթություն, առողջապահություն, շրջակա միջավայր։

Լոս Անջելեսում ՀՀ գլխավոր հյուպատոսը մեծապես կարևորել է նմանօրինակ նախաձեռնությունների իրականացումը և առաջարկել հետագայում դիտարկել նաև Հայաստանում դրանց անցկացման հնարավորությունը, ապա՝ արյան դոնորության արշավի շրջանակներում ուղիղ եթերում ողջունել է նախաձեռնության կազմակերպիչներին, կամավորներին և, իհարկե, արյան դոնորներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր