Էլիզաբեթ Աղբաբյանի մեծարման միջոցառում Լոս Անջելեսում

01 մարտի, 2025

Ս․թ․ մարտի 1-ին Լոս Անջելեսի "Կալիֆորնիա" ակումբում տեղի ունեցավ միջոցառում՝ նվիրված լոսանջելեսահայ հայտնի բարերար, համայնքային կյանքի ակտիվ դերակատար Էլիզաբեթ Աղբաբյանի մեծարմանը։ Միջոցառումը կազմակերպվել էր Հայաստանի Ամերիկյան Համալսարանի կողմից, որին հենց հիմնականում ուղղված է եղել տկն․ Աղբաբյանի տասնամյակներ տևած աջակցությունը։ Վերջինիս ամուսինը՝ դր․ Միհրան Աղբաբյանը եղել է ՀԱՀ հիմնադիր նախագահը։ Միջոցառմանը հրավիրված էր և ելույթով հանդես եկավ Լոս Անջելեսում ՀՀ գլխավոր հյուպատոս Կարեն Իսրայելյանը։ Նա իր խոսքում նշեց, որ ցանկացած երկրի ապագայում կարևորագույն դերակատարում ունի որակյալ կրթությունը, և որպես Հայաստանում նման կրթություն տվող օջախ բերեց Հայաստանի Ամերիկյան Համալսարանի օրինակը։ Երախտիքի խոսքեր հղվեցին նաև օրվա հերոսուհուն՝ Էլիզաբեթ Աղբաբյանին՝ Հայաստանին մատուցած բացառիկ և հետևողական ծառայությունների համար։ Միջոցառման ընթացքում ելույթ ունեցավ նաև ՀԱՀ նախագահ Բրյուս Բողոսյանը, ով տկն․ Աղբաբյանին հանձնեց "Legacy of Grace" մրցանակը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր