Հայկական միջազգային բժշկական հիմնադրամի "ArmGenia" ծրագրի անդրանիկ դրամահավաք/ընթրիքը։

16 փետրվարի, 2025

Ս․թ․ փետրվարի 16-ին Գլենդեյլում կայացավ Հայկական միջազգային բժշկական հիմնադրամի "ArmGenia" ծրագրի անդրանիկ դրամահավաք/ընթրիքը։ Միջոցառման ընթացքում "ArmGenia" ծրագրի հաջողության գործում ունեցած զգալի ավանդի համար հատուկ պատվի արժանացան Կալիֆորնիայի համալսարանի Դեյվիդ Գեֆֆեն բժշկական դպրոցի պաթոլոգիայի, լաբորատոր բժկության և մարդու գենետիկայի պրոֆեսոր Ուեյն Գրոդին և Չիթջյան հիմնադրամի ներկայացուցիչ Արփի Մազլումյանը։ Երեկոյի ընթացքում ելույթներով հանդես եկան Հայկական միջազգային բժշկական հիմնադրամի նախագահ Սալփի Ակարագյանը, Ոսկրածուծի դոնորների հայկական ռեեստրի գործադիր տնօրեն, "ArmGenia" հետազոտությունների բարեգործական հիմնադրամի համահիմնադիր Սևակ Ավագյանը, նույն հիմնադրամի համահիմնադիր Եվգենի Սոկուրենկոն, Լոս Անջելեսում ՀՀ գլխավոր հյուպատոս Կարեն Իսրայելյանը և այլոք։ Գլխավոր հյուպատոսն իր խոսքում մեծապես կարևորեց և գնահատեց Հայկական միջազգային բժշկական հիմնադրամի բոլոր ներկա և նախկին նախաձեռնությունները, որոնք միտված են տարբեր բժշկական ուղղություններում Հայաստանին աջակցությանը։ Երեկոյին մասնակցեցին նաև Լոս Անջելեսի քաղաքային խորհրդի նորընտիր անդամ Ադրին Նազարյանը և Գլենդեյլի քաղաքային խորհրդի անդամ Արա Նաջարյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր