ԵՊՀ ռեկտոր Հովհաննես Հովհաննիսյանի այցը Լոս Անջելես։

30 հուլիսի, 2024

Ս․թ․ հուլիսի 30-ին ԱՄՆ Արևմտյան թեմի առաջնորդանիստ Սբ․ Ղևոնդ եկեղեցու "Համփար" սրահում տրվեց "ԵՊՀ բարեկամներ" հիմնադրամի մեկնարկը։ Միջոցառմանը մասնակցեցին Լոս Անջելեսում գտնվող ԵՊՀ ռեկտոր Հովհաննես Հովհաննիսյանը և զարգացման և նորարարությունների գծով պրոռեկտոր Միքայել Հովհաննիսյանը։ Պաշտոնոկան գալա ընթրիքը կազմակերպվել էր Հայ Առաքելական եկեղեցու ԱՄՆ Արևմտյան թեմի առաջնորդ Հովնան Արք․ Տերտերյանի կողմից։ Ի թիվս այլ հյուրերի, հիմնադրամի մեկնարկին մասնակցեց և ելույթ ունեցավ նաև Լոս Անջելեսում ՀՀ գլխավոր հյուպատոս Կարեն Իսրայելյանը։

Հուլիսի 31-ին Գլենդեյլում ստորագրվեց ԵՊՀ, Հայ իրավաբանների միության և ՀՀ գլխավոր դատախազության միջև մտադրությունների վերաբերյալ հայտարարություն՝ նպաստելու իրավաբանական կրթության և պրակտիկայի արդիականացման ու կատարելագործման ոլորտում փոխշահավետ համագործակցության ամրապնդմանը, ինչպես նաև զարգացնելու ժամանակակից իրավաբանական կրթությունը Հայաստանում։ Փոխգործակցության շրջանակում պայմանավորվածություն է ձեռք բերվել ՀՀ գլխավոր դատախազության վարչական շենքում հիմնադրելու իրավաբանական լաբորատորիա։ Հանդիսավոր արարողության ժամանակ ելույթներ ունեցան ԵՊՀ ռեկտոր Հովհաննես Հովհաննիսյանը, Քալիֆորնիայի գերագույն դատարանի դատավոր Արմենուհի Աշվանյանը, Հայ իրավաբանների միության նախագահ Լյուսի Վարպետյանը, ընթերցվեց ՀՀ գլխավոր դատախազ Աննա Վարդապետյանի ուղերձը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր