Հայաստանի պետական սիմֆոնիկ նվագախմբի համերգը Լոս Անջելեսում

29 հունիսի, 2024

Հունիսի 29-ին Լոս Անջելեսի Ուոլթ Դիսնեյ հանրահայտ համերգասրահում տեղի ունեցավ Հայաստանի պետական սիմֆոնիկ նվագախմբի համերգը։ Այն կայացավ սիմֆոնիկ նվագախմբի՝ ԱՄՆ անդրանիկ շրջագայության շրջանակներում, որի ընթացքում համերգներ էին տրվել նաև Բոստոնում և Նյու Յորքում։ Նվագախմբի ղեկավար ու տաղանդավոր դիրիժոր Սերգեյ Սմբատյանը և աշխարհահռչակ ջութակահար Սերգեյ Խաչատրյանը մի քանի ժամով լեփլեցուն դահլիճին տեղափոխեցին Արամ Խաչատրյանի կախարդական աշխարհ։ Համերգի ծրագիրը ներառում էր բացառապես հանճարեղ Արամ Խաչատրյանի գործերը՝ հանդիսավոր պոեմ, ջութակի կոնցերտ, հատվածներ «Գայանե» և «Սպարտակ» բալետներից։ Համերգն անցավ շռնդալից հաջողությամբ, հանդիսատեսը երկար ժամանակ «չէր թողնում» երաժիշտներին լքել բեմը, նրանք մի քանի անգամ կրկնակի կատարումներ ունեցան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր