Շառլ Ազնավուրի 100-ամյակին նվիրված համերգ Ֆրեզնոյում

28 հունիսի, 2024

Հունիսի 28-ին Լոս Անջելեսում ՀՀ գլխավոր հյուպատության հովանու ներքո Ֆրեզնոյի Սբ․ Պողոս Հայաստանյայց Առաքելական եկեղեցու սրահում տեղի ունեցավ համերգ նվիրված աշխարհահռչակ հայազգի երգիչ, շանսոնյե Շառլ Ազնավուրի ծննդյան հարյուրամյակին։ Համերգը կազմակերպվել էր Ֆրեզնոյում Հայաստանի Հանրապետության պատվո հյուպատոս Պերճ Աբգարյանի ջանքերով։ Համերգի ընթացքում Շառլ Ազնավուրի հիասքանչ երգերը հանդիսատեսին մատուցեց ֆրանսահայ երգիչ Դավիթ Լուսակյանը։

Համերգին իրենց մասնակցությունն ունեցան Ֆրեզնոյի հայ համայնքի, ինչպես նաև Ֆրեզնոյում և Սան Ֆրանցիսկոյում հավատարմագրված՝ Մեքսիկայի, Ճապոնիայի և Շվեյցարիայի հյուպատոսական հիմնարկների ներկայացուցիչներ։ Համերգի ավարտին կարճ ելույթով հանդես եկավ Լոս Անջելեսում ՀՀ գլխավոր հյուպատոս Կարեն Իսրայելյանը, ով անդրադարձավ հայ ժողովրդի և Հայաստանի կյանքում Շառլ Ազնավուրի՝ երկար տարիներ ունեցած անկրկնելի և վիթխարի դերակատարմանը, շնորհակալություն հայտնեց Ֆրեզնոյի հայ համայնքին, հատկապես պատվո հյուպատոս Պերճ Աբգարյանին այդ հրաշալի երեկոն կազմակերպելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր