Հայ իրավաբանական միության տարեկան ժողով

27 հունվարի, 2024

Ս.թ. հունվարի 26-27-ին Լոս Անջելեսում տեղի ունեցան հայ իրավաբանական միության 35-րդ տարեկան ժողովի միջոցառումները, որոնց մասնակցեցին Լոս Անջելեսում ՀՀ գլխավոր հյուպատոս Կարեն Իսրայելյանը և գլխավոր հյուպատոսության խորհրդական Նազելի Համբարձումյանը։

Հունվարի 26-ին Գլենդեյլի Բրանդ գրադարան/արվեստի կենտրոնում տեղի ունեցավ ընդունելություն, որի ընթացքում Հայ իրավաբանական միության պատվավոր անդամի կոչումներ շնորհվեցին Լոս Անջելեսի քաղաքային խորհրդի նախագահ Փոլ Կրեկորյանին և Սաութվեսթերն իրավաբանական դպրոցի դեկանի տեղակալ Անահիտ Ղարախանյանին։ Ընդունելությանը ներկա էին նաև Կալիֆորնիայի սենատի անդամ Էնթոնի Փորտանտինոն, Լոս Անջելեսից դատավոր Արմենուհի Աշվանյանը, բազմաթիվ փաստաբաններ, իրավագետներ, հայ իրավաբանների միության՝ այլ երկրներից ժամանած մի շարք անդամներ, ինչպես նաև Լեռնային Ղարաբաղի նախկին պետնախարար Ա․ Բեգլարյանը և մարդու իրավունքների պաշտպան Գ․ Ստեփանյանը։

Հաջորդ օրը՝ հունվարի 27-ին, տեղի ունեցավ Հայ իրավաբանների միության 35-րդ ամենամյա հանդիպումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր