Լոս Անջելեսում ՀՀ գլխավոր հյուպատոս Կարեն Իսրայելյանն ընդունեց Կալիֆորնիայի փոխնահանգապետի միջազգային հարաբերությունների հարցերով խորհրդական Էվան Ռիդին

15 դեկտեմբերի, 2023

Ս․թ․ դեկտեմբերի 15-ին Լոս Անջելեսում ՀՀ գլխավոր հյուպատոս Կարեն Իսրայելյանն ընդունեց Կալիֆորնիայի փոխնահանգապետ Է․ Կունալակիսի գրասենյակի միջազգային հարաբերությունների հարցերով խորհրդական Էվան Ռիդին և Հարավային Կալիֆորնիայում փոխնահանգապետի արտաքին կապերի հարցերով ներկայացուցիչ Ջեսի Գիլգոֆին։ Հանդիպման ընթացքում կողմերը քննարկեցին երկկողմ հետաքրքրություն ներկայացնող հարցեր, ինչպես նաև անդրադարձան տնտեսական և առևտրային ոլորտներում Հայաստանի և Կալիֆորնիայի միջև համագործակցության խթանման հնարավորություններին։ Գլխավոր հյուպատոսը հյուրերին ներկայացրեց Հարավային Կովկասում առկա անվտանգային խնդիրները և Հայաստան-Ադրբեջան հարաբերությունների վերջին զարգացումները՝ հատուկ շեշտադրում կատարելով ՀՀ կառավարության «Խաղաղության խաչմերուկ» նախագծի վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր