ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԿԱԼԻՖՈՐՆԻԱ ՆԱՀԱՆԳԻ ԱՍԱՄԲԼԵԱՅԻ ԱՆԴԱՄ ԼՈՐԱ ՖՐԻԴՄԱՆԻ ՀԵՏ

09 հունիսի, 2021

ԳԼԵՆԴԵՅԼ- Հունիսի 8-ին ՀՀ գլխավոր հյուպատոս, դեսպան Արմեն Բայբուրդյանը հեռավար հանդիպում ունեցավ Կալիֆորնիայի նահանգային Ասամբլեայի անդամ Լորա Ֆրիդմանի հետ։ Զրուցակիցները քննարկել են Հայաստանի և Կալիֆորնիայի միջև համագործակցության ուղղությունները և նշել, որ 2019 թվականի Շրջանակային համաձայնագիրը պարարտ հող է ստեղծում համագործակցության ծավալման և խորացման համար։

Գլխավոր հյուպատոս Բայբուրդյանը բարձր է գնահատել Ներկայացուցիչների պալատի անդամ Ֆրիդմանի մասնակցությունը Կալիֆորնիայի հայկական օրենդրական խմբի (The California Armenian Legislative Caucus) աշխատանքներին։

Դեսպան Բայբուրդյանը և նահանգային խորհրդարանի անդամ Ֆրիդմանը կարևորել են Հայաստանի և Կալիֆորնիայի միջև բազմակողմ սերտ գործակցության խորացումը՝ փոխադարձ հետաքրքրություն ներկայացնող ծրագրերի իրականացմամբ։

Լորա Ֆրիդմանը ներկայացնում է 43-րդ ընտրաշրջանը, որում ընդգրկված են Հարավային Կալիֆորնիայի ամենահայաշատ քաղաքները՝ Գլենդեյլ, Բըրբանք, Փասադինա, Հոլիվուդի Լիթլ Արմենիա, Լա Կրեսենտա-Մոնթրոզ, Լաքանյադա Ֆլինթրիջ և այլն։ Լորա Ֆրիդմանը նախագահում է Կալիֆորնիայի ներկայացուցիչների պալատի Բնական պաշարների հանձնաժողովը և Փոքր բիզնեսի ու ձեռնարկատիրության հարցերի հատուկ հանձնաժողովը։ Մինչև նահանգային խորհրդարանի անդամի պաշտոնում ընտրվելը 2016 թվականին, Լորա Ֆրիդմանը հանդիսանում էր հայաշատ Գլենդեյլի քաղաքապետը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր