ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԿԱԼԻՖՈՐՆԻԱՅԻ ՆԱՀԱՆԳԱՅԻՆ ԱՍԱՄԲԼԵԱՅԻ ՄԵԾԱՄԱՍՆՈՒԹՅԱՆ ԱՌԱՋՆՈՐԴ ԷԼՈԻԶ ԳՈՄԵԶ ՌԵՅԵՍԻ ՀԵՏ

09 հունիսի, 2021

ԳԼԵՆԴԵՅԼ- Հունիսի 8-ին Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հեռավար հանդիպում ունեցավ Կալիֆորնիայի նահանգային Ասամբլեայի մեծամասնության առաջնորդ Էլոիզ Գոմեզ Ռեյեսի հետ։ Դեսպան Բայբուրդյանը երախտագիտություն հայտնեց Էլոիզ Գոմեզ Ռեյեսին Կալիֆորնիայի հայկական օրենդրական խմբակցությանն անդամակցելու և խմբակցության հայանպաստ աշխատանքներին մասնակից լինելու համար։ Էլոիզ Գոմեզ Ռեյեսը կարևորեց Կալիֆորնիայի հայ համայնքի հետ սերտ աշխատանքը՝ իբրև բազմամշակութային նահանգի կարևորագույն համայնքներից մեկը։ Զրուցակիցները քննարկեցին Հայաստան-Կալիֆորնիա համագործակցության օրակարգի հարցեր։ Դեսպան Բայբուրդյանը և Քլոիզ Գոմեզ Ռեյեսը պայամանավորվեցին հանդիպումները դարձնել պարբերական՝ արդյունավետ գործակցություն ծավալելու համար։

Էլոիզ Գոմեզ Ռեյեսը Կալիֆորնիայի նահանգային ասամբլլեայի անդամի պաշտոնում ընտրվել է 2016 թվականին և ներկայացնում է 47-րդ ընտրաշրջանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր