ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԼՈՍ ԱՆՋԵԼԵՍԻ ՔԱՂԱՔԱՅԻՆ ԽՈՐՀՐԴԻ ԱՆԴԱՄ ՄՈՆԻԿԱ ՌՈԴՐԻԳԵՍԻ ՀԵՏ

09 հունիսի, 2021

ԳԼԵՆԴԵՅԼ- Հունիսի 9-ին Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հեռավար հանդիպում ունեցավ Լոս Անջելեսի քաղաքային խորհրդի անդամ Մոնիկա Ռոդրիգեսի հետ։ Դեսպան Բայբուրդյանը Մոնիկա Ռոդրիգեսին երախտագիտություն հայտնեց իր հայանպաստ գործունեության համար։ Արմեն Բայբուրդյանը Մոնիկա Ռոդրիգեսին երախտագիտություն հայտնեց նաև 44-օրյա պատերազմի օրերին Հայաստանի և Արցախի վերաբերյալ Լոս Անջելեսի քաղաքային խորհրդում ընդունված բանաձևերին աջակցելու համար։ Մոնիկա Ռոդրիգեսն իր հերթին պատրաստակամություն հայտնեց շարունակել համագործակցությունը հայ համայնքի հետ։ Զրուցակիցները քննարկեցին Մոնիկա Ռոդրիգեսի ներկայացրած ընտրատարածքի հայաշատ քաղաքներում միջհամայնքնային ծրագրեր իրականացնելու մասին։ Նրանք հեռանկարային գնահատեցին հատկապես հայ-լատինո միջհամայնքային գործակցությունը՝ տարբեր ոլորտներում։

Մոնիկա Ռոդրիգեսը Լոս Անջելեսի քաղաքային խորհրդի անդամ է 2017 թվականից։ Նա ներկայացնում է 7-րդ ընտրաշրջանը, որն ընդգրկում է Սիլմար, Միշն Հիլզ, Պակոիմա, Սանլենդ-Թահանգա և մի շարք այլ քաղաքներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր