ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԼՈՍ ԱՆՋԵԼԵՍԻ ՔԱՂԱՔԱՅԻՆ ԽՈՐՀՐԴԻ ԱՆԴԱՄ ՋՈՆ ԼԻԻ ՀԵՏ

06 հունիսի, 2021

ԳԼԵՆԴԵՅԼ - Հունիսի 3-ին Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հեռավար հանդիպում ունեցավ Լոս Անջելեսի քաղաքային խորհրդի անդամ Ջոն Լիի հետ։ Դեսպան Բայբուրդյանը գոհունակություն հայտնեց Ջոն Լիի՝ հայ համայնքի հետ սերտ գործակցության հաստատման ուղղությամբ ներդրած ջանքերի առիթով։ Գլխավոր հյուպատոսն արձանագրեց, որ Լոս Անջելեսի քաղաքային խորհրդի անդամն աչքի է ընկնում հայանպաստ գործունեությամբ։ Դրա վկայությունն են Արցախի 44-օրյա պատերազմի օրերին և հետպատերազմական ժամանակահատվածում Լոս Անջելեսի քաղաքային խորհրդում Հայաստանի և Ադրբեջանի վերաբերյալ բանաձևերի ընդունմանը Ջոն Լիի աջակցությունը։ Ջոն Լին իր հերթին պատրաստակամություն հայտնեց շարունակել հայ համայնքի հետ գործակցությունն ու սերտ հարաբերությունը տարբեր ոլորտներում։ Հանդիպման ընթացքում քննարկվեցին հայ-ամերիկյան գործակցության հնարավորությունները Լոս Անջելես-Երևան քույր-քաղաքներ ձևաչափով։

Ջոն Լին Լոս Անջելեսի քաղաքային խորհրդի անդամի պաշտոնում ընտրվել է 2019 թվականին։ Ներկայացնում է 12-րդ ընտրաշրջանը, որն ընդգրկում է հայաբնակ քաղաքներ, ինչպիսիք են Նորթրիջը, Գրանադա Հիլզը, Փորթեր Ռանչը, Չաթսուորտը և այլն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր