ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԿԱԼԻՖՈՐՆԻԱՅԻ ՆԱՀԱՆԳԱՅԻՆ ՍԵՆԱՏԻ ՄԵԾԱՄԱՍՆՈՒԹՅԱՆ ԱՌԱՋՆՈՐԴ ՌՈԲԵՐՏ ՀԵՐՑԲԵՐԳԻ ՀԵՏ

01 ապրիլի, 2021

ԳԼԵՆԴԵՅԼ - Ապրիլի 1-ին Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հեռավար հանդիպում ունեցավ Կալիֆորնիայի նահանգային Սենատի դեմոկրատական մեծամասնության առաջնորդ Ռոբերտ Հերցբերգի հետ։ Հանդիպման մասնակիցները երկուստեք կարևորեցին Հայաստան-Կալիֆորնիա սերտ համագործակցությունը՝ խարսխված ոչ միայն ոլորտային առաջնահերթությունների վրա, այլև պայմանավորված մեծագույն հայկական համայնքի առկայութամբ։ Արմեն Բայբուրդյանը և Ռոբերտ Հերցբերգն անդրադարձան Հայաստանի և Կալիֆորնիայի միջև 2019 թվականին ստորագրված Շրջանակային համաձայնագրին և փաստաթղթով սահմանված դրույթներին, որոնք գործակցության դաշտեն ստեղծում Հայաստանի և ամերիկյան խոշորագույ ննահանգի միջև՝ համագործակցությունն առավել ծավալելու հեռանկարով։

Դեսպան Բայբուրդյանը սենատոր Հերցբերգին տեղեկացրեց, որ վերոնշյալ համաձայնագրի շրջանակում բնապահպանական մաքուր տեխնոլոգիաները գերակայություններից մեկն են համարվում՝ երկուստեք համագործակցության տեսանկյունից։ Կալիֆորնիան նշանավոր է մաքուր տեխնոլոգիաների կիրառմամբ և արձանագրված բացառիկ հաջողություններով։ Գլխավոր հյուպատոսը նշեց, որ գործողությունների ծրագրի մշակումը և ամփոփումը կակտիվանա համավարակի նահանջին զուգընթաց։ Նա բարձր գնահատեց սենատոր Հերցբերգի մասնագիտական հմտություններն այդ ոլորտում և կարևորեց սենատորի աջակցությունը և խորհրդատվությունը՝ այդ ոլորտում փոխգործակցությունը ճիշտ հուն ուղղորդելու համար։ Բացի օրենսդրական հարուստ փորձառությունից, Կալիֆորնիայի վետերան քաղաքական գործիչ Բոբ Հերցբերգը մի քանի տարի այդ բնագավառում զբաղվել է ձեռներեցությամբ, երբ ժամանակավորապես լքել էր քաղաքականությունը՝ օգնելով ստեղծել Կալիֆորնիայում առաջին արևային մարտկոցներ արտադրող գործարաններից մեկը։ Մաքուր էներգետիկայի զարգացման գործում իր ունեցած ծանրակշիռ ավանդի համար արժանացել է բրիտանական <<Գարդիան>> պարբերականի <<աշխարհի 50 անձիք, որոնք կարող են փրկել մոլորակը>> կոչմանը։

Ա․ Բայբուրդյանը Ռոբերտ Հերցբերգի հետ քննարկեցին նրա Հայաստան այցելելու հնարավորությունը` որպես Կալիֆորնիայի սենատի մեծամասնության առաջնորդ։

Ռոբերտ Հերցբերգը Կալիֆորնիայի նահանգային խորհրդարանի անդամ է 1996 թվականից։ Երկկուսակցական միաձայն քվեարկությամբ ընտրվել է Կալիֆորնիայի Ասամբլեայի խոսնակի պաշտոնում։ 2014 թվականից կրկին վերադարձել է նահանգային խորհրդարան՝ իբրև Սենատի մեծամասնության առաջնորդ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր