ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐՅԴԱՆԸ ՀԱՆԴԻՊԵՑ ԼՈՍ ԱՆՋԵԼԵՍԻ ՊՈԼՍԱՀԱՅ ՄԻՈՒԹՅԱՆ ՂԵԿԱՎԱՐ ՄԱՐՄՆԻ ՆԵՐԿԱՅԱՑՈՒՑԻՉՆԵՐԻ ՀԵՏ

17 մարտի, 2021

ԳԼԵՆԴԵՅԼ – Մարտի 17-ԻՆ Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հանդիպեց Լոս Անջելեսի Պոլսահայ միության գործադիր մարմնի ղեկավար կազմի ներկայացուցիչների հետ՝ ատենապետ Մարկ Կոսկերի գլխավորությամբ։ ՀՀ գլխավոր հյուպատոսությում կայացած հանդիպմանը քննարկվեցին Կալիֆորնիայի հայ համայնքին հուզող օրակարգային հարցեր, ինչպես նաև Արցախի դեմ Ադրբեջանի հրահրած պատերազմից հետո ստեղծված իրավիճակը։ Անդրադարձ եղավ նաև պատերազմից հետո Արցախում ստեղծված մարդասիրական ճգնաժամին և կալիֆորնիահայ համայնքի ջանքերով մարդասիրական աջակցության հատկացման ուղղություններին։ Հանդիպման մասնակիցները խոսեցին նաև ՀՀ գլխավոր հյուպատոսության և Պոլսահայ միության միջև գործակցության ուղղությունների մասին։

Հանդիպմանը մասնակցեցին ՀՀ գլխավոր հյուպատոսության խորհրդական Էդգար Գրիգորյանը, Լոս Անջելեսի Պոլսահայ միության գործադիր մարմնի փոխատենապետ Էդի Սարաֆօղլուն և գործադիր մարմնի խորհրդական Թալին Սարաֆօղլուն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր