ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵԼ Է ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹՅԱՆ ԿԵՆՏՐՈՆԱԿԱՆ և ՇՐՋԱՆԱՅԻՆ ՎԱՐՉՈՒԹՅՈՒՆՆԵՐԻ ՆԵՐԿԱՅԱՑՈՒՑԻՉՆԵՐԻ ՀԵՏ

01 մարտի, 2021

ԳԼԵՆԴԵՅԼ – Փետրվարի 26-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը հանդիպել է Ռամկավար ազատական կուսակցության (ՌԱԿ) Ամերիկայի Կենտրոնական և Շրջանային վարչությունների ներկայացուցիչների հետ ՝ ՌԱԿ Արևմտյան Ամերիկայի Շրջանային վարչության ատենապետ դոկտ․ Րաֆֆի Բալյանի գլխավորությամբ։

ՀՀ գլխավոր հյուպատոսությունում կայացած հանդիպմանը քննարկվել են տեղական ամերիկահայ համայնքին հուզող բազմաթիվ հարցեր, որոնց թվում` Հայաստանում և Արցախում հետպատերազմյան իրավիճակը և մարդասիրական, ինչպես նաև բազմաթիվ այլ ոլորտում առաջացած խնդիրները։ Հանդիպման մասնակիցները կարևորել են հայրենիքի համար դժվար մարտահրավերներով լի այս ժամանակահատվածում ՀՀ գլխավոր հյուպատոսության հետ սերտ համագործակցությունը՝ Հայաստանում և Արցախում դրական տեղաշարժեր արձանագրելուն միտված։

Լուսանկարում ձախից աջ՝ ՌԱԿ Կենտրոնական վարչության անդամ Փանիկ Քեշիշյան, Շրջանային վարչության անդամ Շուշան Բաղբուդարյան, Արևմտյան Ամերիկայի Շրջանային վարչության ատենապետ Րաֆֆի Բալյան, դեսպան Արմեն Բայբուրդյան, Շրջանային վարչության անդամներ Խաչիկ Ջանոյան և Բարեդ Կոստանյան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր