ԳԼԽԱՎՈՐ ՀՅՈՒՊԱՏՈՍ ԲԱՅԲՈՒՐԴՅԱՆԸ ԵՎ ՄՇՏԱԿԱՆ ՆԵՐԿԱՅԱՑՈՒՑԻՉ ՌՈԲԵՐՏ ԱՎԵՏԻՍՅԱՆԸ ՀԱՆԴԻՊԵԼ ԵՆ ՆԵՎԱԴԱ ՆԱՀԱՆԳԻ ՀԱՅ ՀԱՄԱՅՆՔԻ ՀԵՏ

18 նոյեմբերի, 2020

ՆԵՎԱԴԱ- Նոյեմբերի 17-ին Լաս Վեգաս կատարած այցի ընթացքում ՀՀ գլխավոր հյուպատոս, դեսպան Արմեն Բայբուրդյանը և ԱՄՆ-ում Արցախի Հանրապետության մշտական ներկայացուցիչ Ռոբերտ Ավետիսյանը հանդիպում ունեցան Լաս Վեգասի հայ համայնքի հետ։ Հանդիպումը կազմակերպել էր Լաս Վեգասում ՀՀ պատվո հյուպատոս Ատրուշան Արմենյանը։ Այն տեղի ունեցավ Սուրբ Կիրակոս եկեղեցում՝ Հայր Սասուն Ծ․ վարդապետ Զմրուխտյանի հյուրընկալությամբ։ Մոտ երեք ժամ տևած հանդիպման ընթացքում դեսպան Բայբուրդյանը և մշտական ներկայացուցիչ Ավետիսյանը ներկայացրեցին ադրբեջանաթուրքական ագրեսիայի հետևանքով Արցախում ստեղծված իրավիճակը, անդրադարձան նաև Հայաստանին առնչվող հարցերի։ Հանդիպմանը ներկա էին Լաս Վեգասի Սուրբ Կարապետ եկեղեցու հովիվ Տեր Վահան Կոսնտանյանը, Հայ Ավետարանչական եկեղեցու վերապատվելի Սեմ Ագուլյանը, Լաս Վեգասի հայ համայնքի ներկայացուցիչներ, համայնքային կազմակերպությունների անդամներ։

Լաս Վեգասում ՀՀ պատվո հյուպատոս Ատրուշան Արմենյանի նախաձեռնությամբ գլխավոր հյուպատոս Բայբուրդյանը և մշտական ներկայացուցիչ Ռոբերտ Ավետիսյանը նաև առանձին հանդիպումներ ունեցան Նևադա նահանգի հայ համայնքի ներկայացուցիչների հետ պատվո հյուպատոսի գրասենյակում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր