ՀՀ ԳԼԽԱՎՈՐ ՀՅՈՒՊԱՏՈՍ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹԱՆ ԱՐԵՎՄՏՅԱՆ ԱՄԵՐԻԿԱՅԻ ՇՐՋԱՆԱՅԻՆ ԿԱՌՈՒՅՑԻ ՆԵՐԿԱՅԱՑՈՒՑԻՉՆԵՐԻ ՀԵՏ

17 օգոստոսի, 2020

ԳԼԵՆԴԵՅԼ – Օգոստոսի 14-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը հանդիպեց Հայկական բարեգործական ընդհանուր միության Արևմտյան Ամերիկայի շրջանային կառույցի ներկայացուցիչների հետ։ ՀՀ գլխավոր հյուպատոսությունում կայացած հանդիպման ընթացքում քննարկվեցին հայ համայնքին, ինչպես նաև՝ աշխարհասփյուռ հայությանը հուզող հարցեր։ Մասնավորապես անդրադարձ եղավ կալիֆորնիահայության խնդիրներին և հայրենիքի հետ բազմաոլորտ կապերի առավել սերտացման թեմաներին։

Հայկական բարեգործական ընդհանուր միության Արևմտյան Ամերիկայի շրջանային կառույցի անդամները ներկայացրին կազմակերպության ընթացքիկ ծրագրերը և առաջիկա անելիքները Հայաստանում և սփյուռքում։

Հանդիպման մասնակիցները քննարկեցին նաև Լոս Անջելեսում ՀՀ գլխավոր հյուպատոսության և ՀԲԸՄ Արևմտյան Ամերիկայի կառույցի միջև համագործակցության ուղղությունները, կազմակերպվելիք միջոցառումները, այդ թվում՝ գործարար դաշտում նախանշված համատեղ ծրագրերը։

Լուսանկարում՝ աջից ձախ․ Հրագ Օհանեսյան (ՀԲԸՄ Լոս Անջելեսի Սան Ֆերնանդոյի հովտի մասնաճյուղի տնօրեն), Գրիգոր Դեմիրճյան (ՀԲԸՄ Փասադինայի և Գլենդեյլի մասնաճյուղի տնօրեն), դեսպան Արմեն Բայբուրդյան (Լոս Անջելեսում ՀՀ գլխավոր հյուպատոս), Հրանտ Վարձպետյան (ՀԲԸՄ մասնաճյուղային հարաբերությունների գծով մենեջեր)։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր