ՀՀ ԳԼԽԱՎՈՐ ՀՅՈՒՊԱՏՈՍ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵԼ Է ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹՅԱՆ ԱՄԵՐԻԿԱՅԻ ԱԵՎՄՏՅԱՆ ԱՓԻ ԿԵՆՏՐՈՆԱԿԱՆ ՎԱՐՉՈՒԹՅԱՆ ՆԵՐԿԱՅԱՑՈՒՑԻՉՆԵՐԻ ՀԵՏ

05 օգոստոսի, 2020

ԳԼԵՆԴԵՅԼ – Օգոստոսի 4-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանն ընդունել է Ռամկավար ազատական կուսակցության Ամերիկայի Արևմտյան ափի կենտրոնական վարչության անդամներին՝ ատենապետ Րաֆֆի Բալյանի գլխավորությամբ։ ՀՀ գլխավոր հյուպատոսությունում կայացած հանդիպմանը քննարկվել են տեղի հայ համայնքին հուզող բազմաթիվ հարցեր, որոնց թվում հայ-ադրբեջանական սահմանին տեղի ունեցած ադրբեջանական հարձակման հետևանքով մարտական գործողությունների թեման էր։ Հանդիպման մասնակիցները փաստել են, որ հայության դեմ ուղղված բռնարարքներն անթույլատրելի և դատապարտելի են ինչպես Կալիֆորնիայում, այնպես էլ աշխարհի ցանկացած անկյունում։

Դեսպան Բայբուրդյանը և ՌԱԿ Ամերիկայի Արևմտյան ափի ղեկավարությունն անդրադարձել են նաև Բեյրութում տեղի ունեցած հուժկու պայթունին և մեծ կորուստներին, ցավով արձանագրելով, որ լիբանանահայ համայնքը հայտնվել է ահավոր ծանր վիճակում։ Քննարկվել են նաև Լիբանանի հայ համայնքին ամերիկահայ համայնքի կողմից աջակցության ձեռք մեկնելու հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր