ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԲԱՅԲՈՒՐԴՅԱՆՆ ԸՆԴՈՒՆԵՑ ԱՄԵՐԻԿԱՅԻ ՀԱՅ ԱՎԵՏԱՐԱՆՉԱԿԱՆ ԸՆԿԵՐԱԿՑՈՒԹՅԱՆ ԳՈՐԾԱԴԻՐ ՏՆՕՐԵՆ ԶԱՎԵՆ ԽԱՆՋՅԱՆԻՆ

04 օգոստոսի, 2020

ԳԼԵՆԴԵՅԼ – Օգոստոսի 3-ին, Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանն ընդունեց Ամերիկայի Հայ Ավետարանչական ընկերակցության գործադիր տնօրեն Զավեն Խանջյանին։ ՀՀ գլխավոր հյուպատոսությունում կայացած աշխատանքային հանդիպման ժամանակ քննարկվեցին հայ համայնքին, ինչպես նաև՝ աշխարհասփյուռ հայերին հուզող խնդիրներ։ Քննարկման հատուկ նյութ դարձավ Լիբանանի հայ համայնքի ներկա վիճակն ու համայնքի առջև ծառացած լրջագույն խնդիրները։ Ի թիվս այլ հարցերի, զրուցակիցներն անդրադարձան հայ-ադրբեջանական սահմանին տեղի ունեցած վերջին դեպքերին, ինչպես նաև ԱՄՆ-ում և հայաշատ այլ երկրներում ադրբեջանական սադրանքների թեմային։ Զավեն Խանջյանը ներկայացրեց նաև Հայ Ավետարանչական ընկերակցության գործունեությունն ու առաջիկա ծրագրերը։ Դեսպան Բայբուրդյանը և Զ․ Խանջյանը փաստեցին սփյուռքի հայկական գաղթօջախներում հայ համայնքների անվտանգ կենսագործունեության բնականոն ընթացքն ապահովելու անհրաժեշտությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր