ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԲԱՅԲՈՒՐԴՅԱՆՆ ԸՆԴՈՒՆԵՑ ՍՈՑԻԱԼ ԴԵՄՈԿՐԱՏԱԿԱՆ ՀՆՉԱԿՅԱՆ ԿՈՒՍԱԿՑՈՒԹՅԱՆ ԱՐԵՎՄՏՅԱՆ ԱՄԵՐԻԿԱՅԻ ՎԱՐԻՉ ՄԱՐՄՆԻ ՆԵՐԿԱՅԱՑՈՒՑԻՉՆԵՐԻՆ

03 օգոստոսի, 2020

ԳԼԵՆԴԵՅԼ- Հուլիսի 31-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանն ընդունեց Սոցիալ Դեմոկրատական Հնչակյան կուսացության Արևմտյան Ամերիկայի ղեկավար կազմի ներկայացուցիչներին։ ՀՀ գլխավոր հյուպատոսությունում տեղի ունեցած հանդիպման նպատակն էր՝ քննարկել ԱՄՆ արևմտյան ափի հայ համայնքին հուզող խնդիրները։ Հանդիպման մասնակիցներն անդրադարձել են հայ-ադրբեջանական սահմանին վերջին շրջանում տեղի ունեցած դեպքերին, ինչպես նաև տարբեր երկներում ադրբեջանական համայնքների կողմից սադրանքների, վայրագությունների և վանդալիզմի դրսևորումներին հայկական համայնքների նկատմամբ։ Գլխավոր հյուպատոս Բայբուրդյանը և ՍԴՀԿ վարիչ մարմնի ներկայացուցիչները փաստել են, որ բռնարարքներն ու սադրանքները չեն կարող տեղ գտնել ինչպես Միացյալ Նահանգներում, այնպես էլ որևէ այլ երկրում։ Նրանք շեշտել են, որ ԱՄՆ-ում և ամենուրեք անհրաժեշտ է ձեռնարկել բոլոր միջոցները՝ հայկական համայնքները ադրեբջանական հրահրիչ գործողություններից զերծ պահելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր