Երախտագիտոււթյան մեդալ՝ հայտնի ալտահարին

11 հունիսի, 2020

ԳԼԵՆԴԵՅԼ - Երաժշտարվեստի բնագավառում ունեցած նշանակալից ավանդի համար ՀՀ Նախագահ Ն.Գ. Արմեն Սարգսյանի հրամանագրով ՀՀ վաստակավոր արտիստ Յաշա Պապյանը պարգևատրվել է Երախտագիտության մեդալով: Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը ալտահար Յաշա Պապյանին հանձնեց պետական բարձր պարգևը՝ մաղթելով երկար տարիների կյանք և ստեղծագործական նորանոր ձեռքբերումներ։

Ալտահար Յաշա Պապյանը ծնվել է Երևանում, 1939 թվականին: Մասնագիտական կրթություն է ստացել Երևանում, ապա՝ Մոսկվայում։ Աշխատել է նախկին ԽՍՀՄ տարբեր քաղաքներում։ 1976-1991թթ․ հանդիսացել է Կոմիտասի անվան լարային քառյակի ալտահար։ Յաշա Պապյանը Կոմիտասի անվան կոնսերվատորիայի լարային ամբիոնի պրոֆեսոր է։ 1994 թվականից բնակվում է ԱՄՆ-ում։ 2002թ․ ստեղծել է «Արամուս» լարային քառյակը, որը թողարկել է բազմաթիվ ձայնագրություններ։ 2003թ․, Արամ Խաչատրյանի ծննդյան 100-ամյակի առիթով, «Արամուս» քառյակը Յաշա Պապյանի նախաձեռնությամբ թողարկել է Արամ Խաչատրյանի ստեղծագործությունները՝ Պապյանի փոխադրումներով։ Երաժիշտը տասնյակ համերգներով հանդես է եկել Հայաստանում, Ռուսաստանում, Մեքսիկայում, Իսպանիայում, ԱՄՆ-ում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր