ՏԵՂԵԿԱՏՎՈՒԹՅՈՒՆ

23 մարտի, 2020

1. Համաձայն ՀՀ Պարետի 22.03.2020թ. թիվ 10 որոշման լրացում է կատարվել համաճարակաբանական լարված իրավիճակ ունեցող երկրների (տարածքների) ցանկում՝ ներռաելով Ամերիկայի Միացյալ Նահանգները: Արգելվում է Հայաստանի Հանրապետության քաղաքացիություն չունեցող այն անձանց մուտքը ՀՀ տարածք, որոնք ՀՀ տարածք մուտք են գործում պարետի որոշմամբ սահմանված համաճարակաբանական լարված իրավիճակ ունեցող երկրների տարածքների ցանկում ներառված երկրներից կամ մուտք գործելու նախորդող 14 օրվա ընթացքում գտնվել են այդ երկրներում, բացառություն են կազմում այդ կանոնից դիվանագիտական ներկայացուցչությունների, հյուպատոսական հիմնարկների և միջազգային կազմակերպությունների ներկայացուցիչները և նրանց ընտանիքների անդամները։

2. Համաձայն Լոս Անջելեսում <<Aeroflot>> ավիաընկերության ներկայացուցչության մինչև ս.թ. մարտի 28 ներառյալ շարունակվելու են Լոս Անջելես-Մոսկվա-Երևան ավիաչվերթները: Հավաստի տեղեկությունների համար դիմել միայն ներքոնշյալ էլփոստին և հեռախոսահամարին:
aeroflotlax@aeroflot.ru,
<<Aeroflot>> ընկերության թեժ գիծ՝ 424 351 8510

3. Կորոնավիրուսի համաճարակի հետ կապված և նկատի ունենալով այն հանգամանքը, որ ԱՄՆ-ում են գտնվում բազմաթիվ օտարերկրյա, այդ թվում՝ ՀՀ քաղաքացիներ, որոնց ԱՄՆ մուտքի արտոնագրերի ժամկետը սպառվելու է մոտ ժամանակներս և ովքեր ավիաչվերթների չեղարկման պատճառով հնարավորություն չունեն հայրենիք վերադառնալու, ԱՄՆ քաղաքացիության և ներգաղթի ծառայությանը որոշում է կայացրել 30 օրով երկարաձգել նման կատեգորայի անձանց մուտքի արտոնագրերը: Այս որոշումը կգործի մինչև ապրիլի 11-ը:
Եթե ցանկանում եք երկարաձգել ԱՄՆ-ում Ձեր կեցությունը, ապա պետք է նախքան Ձեր մուտքի արտոնագրի ժամկետի ավարտը խնդրագիր ուղարկեք ԱՄՆ քաղաքացիության և ներգաղթի ծառայությանը՝ լրացնելով հետևյալ ձևաթուղթը՝ Form I-539, Application to Extend/Change Nonimmigrant Status. Ձեր ԱՄՆ-ում գտնվելու ժամկետի վավերականության ժամկետը ստուգելու համար, խնդրում ենք ճշտել Ձեր Form I-94, Arrival-Departure Record փաստաթղթից:
Մուտքի արտոնագրի երկարաձգման խնդրագիր կարող եք ներկայացնել հետևյալ հղումով՝ https://www.uscis.gov/i-539:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր