ԱՄՆ մուտքի արտոնագիրը երկարաձգելու վերաբերյալ

20 մարտի, 2020

Կորոնավիրուսի համաճարակի հետ կապված և նկատի ունենալով այն հանգամանքը, որ ԱՄՆ-ում են գտնվում բազմաթիվ օտարերկրյա, այդ թվում՝ ՀՀ քաղաքացիներ, որոնց ԱՄՆ մուտքի արտոնագրերի ժամկետը սպառվելու է մոտ ժամանակներս և ովքեր ավիաչվերթների չեղարկման պատճառով հնարավորություն չունեն հայրենիք վերադառնալու, ԱՄՆ քաղաքացիության և միգրացիայի ծառայությանը որոշում է կայացրել 30 օրով երկարաձգել նման կատեգորայի անձանց մուտքի արտոնագրերը: Այս որոշումը կգործի մինչև ապրիլի 11-ը:
Եթե ցանկանում եք երկարաձգել ԱՄՆ-ում Ձեր կեցությունը, ապա պետք է նախքան Ձեր մուտքի արտոնագրի ժամկետի ավարտը խնդրագիր ուղարկեք ԱՄՆ քաղաքացիության և միգրացիայի ծառայությանը՝ լրացնելով հետևյալ ձևաթուղթը՝ Form I-539, Application to Extend/Change Nonimmigrant Status. Ձեր ԱՄՆ-ում գտնվելու ժամկետի վավերականության ժամկետը ստուգելու համար, խնդրում ենք ճշտել Ձեր Form I-94, Arrival-Departure Record փաստաթղթից: ԱՄՆ քաղաքացիության և միգրացիայի ծառայությունը խորհուրդ է տալիս դիմել 45 օր առաջ նախքան Ձեր ԱՄՆ-ում գտնվելու ժամկետի ավարտը:
Դուք կարող եք դիմել երկարաձգելու Ձեր մուտքի արտոնագրի ժամկետը, եթե՝
1. ԱՄՆ մուտք եք գործել օրինականորեն ոչ ներգաղթյալի կարգավիճակի մուտքի արտոնագրով
2. Ձեր ոչ ներգաղթյալի կարգավիճակի մուտքի արտոնագիրը շարունակում է գործել
3. Դուք որևէ հանցագործություն չեք կատարել, որը կարող է չեղարկել մուտքի արտոնագրի ստացումը
4. Դուք չեք խախտել երկիր մուտք գործելու պայմանները
5. Ձեր անձնագիրը վավերական է և կշարունակի մնալ վավերական ԱՄՆ-ում գտնվելու ընթացքում
Մուտքի արտոնագրի երկարաձգման խնդրագիր կարող եք ներկայացնել հետևյալ հղումով՝ https://www.uscis.gov/i-539:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր