ԱՄՆ-ում կորոնավիրուսի (COVID-19) իրավիճակի վերաբերյալ

13 մարտի, 2020

Հարգելի հայրենակիցներ,

Հաշվի առնելով ԱՄՆ-ում կորոնավիրուսի (COVID-19) տարածման բարձր դինամիկան և քաղաքացիներին ռիսկային շփումներից պաշտպանելու անհրաժեշտությունը՝ ս.թ. մարտի 16-ից Լոս Անջելեսում ՀՀ գլխավոր հյուպատությունը քաղաքացիների հյուպատոսական ընդունելությունը ժամանակավորապես իրականացնելու է միայն նախնական գրանցման (ժամադրության) դեպքում։ Այդ իսկ պատճառով խնդրում ենք նախապես կապ հաստատել գլխավոր հյուպատոսության հետ՝ ուղարկելով Ձեզ անհրաժեշտ ծառայությունների մասին հարցումը էլ-փոստի հետևյալ հասցեին laconsul@mfa.am, consulateam@gmail.com ` նշելով Ձեր բջջային համարը։ Ձեր նամակը կուսումնասիրվի գլխավոր հյուպատոսության կողմից և հետադարձ կապ կհաստատվի էլեկտրոնային նամակի կամ զանգի միջոցով։ Առավել հրատապ հարցերի դեպքում կարող եք օգտվել գլխավոր հյուպատոսությունում բացված շուրջօրյա թեժ գծից:

Լոս Անջելեսում ՀՀ գլխավոր հյուպատոսության թեժ գծի հեռախոսահամարն է` +1(818)6966078, հասանելի է նաև Viber-ով, +1(818)6966079, հասանելի է նաև WhatsApp-ով։

Հիշեցնում ենք, որ ներկայացված փոփոխությունները միտված են քաղաքացիների առողջության պահպանությանը և կրելու են ժամանակավոր բնույթ։

ՀՀ գլխավոր հյուպատոսություն Լոս Անջելես

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր