Դեսպան Բայբուրդյանը մասնակցեց հանրահայտ գեղանկարիչ Շմավոն Շմավոնյանի ցուցահանդեսի բացմանը

01 մարտի, 2020

ՓԱՍԱԴԻՆԱ – Փետրվարի 28-ին Կալիֆորնիայի Փասադինա քաղաքի Antique Warehouse սրահում տեղի ուենցավ ՀՀ վաստակավոր նկարիչ Շմավոն Շմավոնյանի աշխատանքների ցուցահանդեսը։ Ներկայացված էին նկարչի վերջին մեկ տարվա գեղանկարները։ Ցուցահանդեսի բացման արարողությանը ներկա էին և ելույթի խոսքով հանդես եկան Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը, Փասադինայի քաղաքապետ Թերի Թորնեքը, քաղաքային խորհրդի անդամ Ջոն Քենեդին:
Բացման խոսքում դեսպան Բայբուրդյանը բարձր գնահատեց Շնավոն Շմավոնյանի արվեստը, որը պատշաճ գնահատանքի է արժանացել ոչ միայն Հայաստանում, այլև արտերկրում, մասնավորապես արևմտյան ԱՄՆ-ում: Այստեղ նրա աշխատանքները կարելի է տեսնել «Գլենդեյլի մեմորիալ հիվանդանոցում» կամ տեղական պետական գրասենյակներում։ Դոկտ. Արմեն Բայբուրդյանի խոսքով, վարպետի գունեղ կտավները լույս և լավատեսություն են սփռում։ «Շմավոն Շմավոնյանի ստեղծագործական ակտիվ գործունեությունը մշակութային դիվանագիտության վառ դրսևորումներից է», ասաց ՀՀ գլխավոր հյուպատոսը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր