"Վիրավոր հայ հերոսներ" հիմնադրամի գործունեությունը ներկայացվեց ՀՀ գլխավոր հյուպատոսությունում

12 դեկտեմբերի, 2019

ԳԼԵՆԴԵՅԼ - Ս․թ․ դեկտեմբերի 12-ին Լոս Անջելեսում ՀՀ գլխավոր հյուպատոսությունում տեղի ունեցավ «Վիրավոր հայ հերոսներ» հիմնադրամի գործունեության ներկայացումը հայ համայնքային կառույցներին։ Հանդիպման սկզբում բացման ելույթով հանդես եկավ ՀՀ գլխավոր հյուպատոս, դեսպան Արմեն Բայբուրդյանը, որն իր խոսքում կարևորեց այդ հիմնադրամի գործունեությունը՝ ի նպաստ հայ զինվորի։ Ելույթով հանդես եկավ ԱՄՆ-ում ՀՀ ռազմական կցորդ, գնդապետ Արման Մկրտչյանը։ Գնդապետ Մկրտչյանը դրվատանքի խոսքեր ուղղեց կազմակերպությանը և նրա համահիմնադիրներ Ռազմիկ Արզումանյանին և Քրիստ Պետրոսյանին, որոնք իրենց անձնուրաց և հայրենասիրական գործունեությամբ էապես նպաստում են բանակի հումանիտար գործունեությանը։ Այնուհետև հիմնադամի համահիմնադիր Ռազմիկ Արզումանյանը ներկայացրեց իրենց գործունեությունը։ Հիմանդրամը ստեղծվել է 2016թ․ ապրիլին և գործունեության ընթաքում շուրջ մեկ մլն դոլարի մարդասիական ծրագիր է իրականացրել։ Գործունեության հիմնական երեք ուղղություններն են՝ զինվորների համար առաջին օգնության պարագաների տրամադրում, վիրավոր և հաշմանդամ զինծառայողների հոգեբանական և ֆիզիկական վերականգնողական աջակցության ցուցաբերում, Արցախի պաշտպանական բանակի սահմանապահ դիրքերի կահավորում։ Միջոցառումն ավարտվեց ընդունելությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր