ԳԼԽԱՎՈՐ ՀՅՈՒՊԱՏՈՍ ԲԱՅԲՈՒՐԴՅԱՆԻ ԱՅՑԸ ԿՈԼՈՐԱԴՈ

07 նոյեմբերի, 2019

ԴԵՆՎԵՐ - Նոյեմբերի 2-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը Դենվերում մասնակցեց «Կոլորադոյի հայեր» կազմակերպության հիմադրման 40-ամյակին նվիրված հանդիսավոր միջոցառմանը։ Այն տեղի ունեցավ Դենվեր քաղաքի Downtown Aquarium սրահում։ Միջոցառման պատվավոր հյուրը և գլխավոր բանախոսը դեսպան Արմեն Բայբուրդյանն էր, որն առաջին անգամ էր այցելում Կոլորադո նահանգ։ Իր ելույթում նա ջերմորեն շնորհավորեց «Կոլորադոյի հայեր» կազմակերպությանը՝ հիմնադրման 40-ամյա հոբելյանի կապակցությամբ։ Կազմակերպության 40-ամյա գործունեությունը բարձր գնահատելով՝ դոկտ․ Բայբուրդյանն ընդգծեց, որ հատկապես վերջին տարիների ընթացքում համայնքային այդ կազմակերպությունն աչքի է ընկել իր ակտիվ գործունեությամբ, ինչի վկայությունն են տասնյակ մշակութային, կրթական, հասարակական, բարեգործական ու քաղաքական նախաձեռնությունները, այդ թվում՝ շաբաթօրյա դպրոցի բացումը։ Նշանակալից է հատկապես 2015թվականին նահանգային խորհրդարանի շենքի առջև Հայոց ցեղասպանության 100-ամյա տարելիցին նվիրված խաչքարի տեղադրումը։ Դեսպան Բայբուրդյանը շեշտեց, որ առջևում սպասվում են նորանոր ծրագրեր, որոնք կլինեն ՀՀ գլխավոր հյուպատոսության ուշադրության կենտրոնում և կկամրջեն Կոլորադոյի հայ համայնքը հայրենիքի հետ, ինչպես նաև կծառայեն հայ-ամերիկյան հարաբերություններիք ամրապնդմանը: Հանդիսավոր միջոցառմանը ներկա էին Կոլորադոյի նահանգային սենատի անդամ Դոմինիկ Մորենոն և Ներկայացուցիչների պալատի անդամ Դանեա Իսգարը, որոնք հուլիսին այցելել էին Հայաստան՝ ԱՄՆ արևմտյան ափի Հայ դատի հանձնախմբի կազմակերպմամբ։
Կոլորադոյում հայերը հաստատվել են դեռևս 1890-ականներին։ 1979 թվականին հիմնադրվել է «Կոլորադոյի հայեր» կազմակերպությունը՝ դառնալով նահանգում ապրող հայերին միավորող առանցք։ Այսօր Կոլորադո նահանգում հաշվվում է 5-6 հազար հայ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր