ՑՈՒՑԱՀԱՆԴԵՍ ՆՈՐԹՐԻՋՈՒՄ ԿԱԼԻՖՈՐՆԻԱՅԻ ՀԱՄԱԼՍԱՐԱՆՈՒՄ

31 հոկտեմբերի, 2019

ՆՈՐԹՐԻՋ - Հոկտեմբերի 26-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը մասնակցեց Հայկական ազգային ինստիտուտի, Ամերիկայի Հայկական համագումարի և Նորթրիջում Կալիֆորնիայի համալսարանի Հայկական ուսումնասիրությունների կենտրոնի կողմից կազմակերպված ցուցահանդեսին, որը կրում էր «Կյանք փրկողները» խորագիրը։ Միջոցառումը տեղի ունեցավ Նորթրիջի Կալիֆորնիայի համալսարանի արևտմյան սրահում (CSUN West GAllery)։ Ցուցահանդեսը ներկայացնում է Լոս Անջելեսի YMCA խոշորագույն մարզական ակումբի երկու աշխատակիցների՝ Ջոն Էլդերին և Ջեյմս Արոլին, որոնք 1918-1919 թթ-ին Հայաստանի առաջին հանրապետությունում փկել են Հայոց ցեղասպանությունից մազապուրծ հազարավոր հայերի կյանքը՝ համակարգելով ԱՄՆ մարդասիրական աջակցությունը։
Հայկական ազգային ինստիտուտի տնօրեն, դոկտ․ Ռուբեն Ադալյանը ներկայացրեց ցուցահանդեսի 26 նմուշները, որոնք պատմում են երկու հերոս ամերիկացիների գործունեության մանրամասների մասին։
Դեսպան Բայբուրդյանը ողջունեց ցուցահանդեսի կազմակերպման նախաձեռնությունը՝ շեշտելով, որ այն լույս է սփռում Հայաստանում ամերիկյան մարդասիրական գործունեության անհայտ էջերին հայ-ամերիկյան բարեկամության խոր ակունքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր