Աշխատանքային այց ԱՄՆ արևմտյան ափ

24 հուլիսի, 2019

Դեսպան Վարուժան Ներսեսյանը գտնվում է Լոս Անջելեսում` ԱՄՆ-ում ՀՀ դեսպանի պաշտոնում իր անդրանիկ աշխատանքային այցի շրջանակներում: Հուլիսի 24-ին դեսպան Ներսեսյանը` Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանի ուղեկցությամբ, հանդիպել է Հայ Կաթողիկե եկեղեցու Հյուսիսային Ամերիկայի և Կանադայի թեմի առաջնորդ, գերապայծառ Մայքլ Մուրադյանին և թեմական խորհրդի անդամներին: Զրուցակիցները քննարկել են Հայ Կաթողիկե եկեղեցու թեմի գործունեության շրջանակները, Հայաստանի ու Սփյուռքի միջև համագործակցության խորացման հետագա հեռանկարները, ինչպես նաև հայ-ամերիկյան հարաբերությունների դինամիկան:

Նույն օրը դեսպան Ներսեսյանը հանդիպում է ունեցել Հայ հեղափոխական դաշնակցության (ՀՅԴ) Արևմտյան Ամերիկայի Կենտրոնական կոմիտեի ներկայացուցիչների հետ: Դեսպանը նրանց ներկայացրեց մայիսին Երևանում տեղի ունեցած Հայաստան-ԱՄՆ Ռազմավարական գործընկերության անդրանիկ նիստի ու վերջերս ԱՄՆ ժամանած բարձրաստիճան պատվիրակությունների այցերի արդյունքները, տարածաշրջանային զարգացումներն ու Հայաստանի արտաքին քաղաքական առաջնահերթությունները:

Դեսպան Ներսեսյանը Լոս Անջելեսում ՀՀ գլխավոր հյուպատոսությունում հանդիպել է նաև Ռամկավար ազատական կուսակցության Արևմտյան Ամերիկայի շրջանային վարչության անդամների հետ: Դեսպան Ներսեսյանն ու դեսպան Բայբուրդյանը խոսել են Հայաստանում տեղի ունեցած վերջին զարգացումների, կառավարության բարեփոխումների ծրագրի, տարբեր ոլորտներում Սփյուռքի հետ համագործակցության ընդլայնման հեռանկարների, Հայաստան-ԱՄՆ հարաբերությունների դինամիկայի և մեր երկրների միջև միջխորհրդարանական կապերի մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր